ବିଜେପି ୧୨ ଏପ୍ରିଲ୨୦୧୯ ରୁ ୨୪ ଜାନୁଆରୀ ୨୦୨୪ ମଧ୍ୟରେ ୬୦୬୦.୫ କୋଟି ନିର୍ବାଚନୀ ବଣ୍ଡ ପ୍ରାସ୍ତ କରିଛି, ଯାହାକି ଅନ୍ୟ ଦଳ ତୁଳନାରେ ସବୁଠାରୁ ଅଧିକ ଅଟେ । ଏହି ସମୟରେ ମୋଟ ନିର୍ବାଚନୀ ବଣ୍ଡ ମଧ୍ୟରେ ବିଜେପିର ସର୍ବାଧିକ ୪୭.୫ ପ୍ରତିଶତ ଅଂଶ ରହିଛି ।
ଏହି ସମୟରେ ସେହିଭଳି ଦ୍ୱିତୀୟରେ ତୃଣମୂଳ କଂଗ୍ରେସ ୧,୬୦୯.୫୦ କୋଟି (୧୨.୬ ପ୍ରତିଶତ) ନିର୍ବାଚନୀ ବଣ୍ଡ ପାଇଥିବାବେଳେ ଏହି କ୍ରମରେ ତୃତୀୟ ସ୍ଥାନରେ ରହିଛି କଂଗ୍ରେସ ଯାହାକୁ ୧୪୨୧,୯ କୋଟି (୧୧.୧ ପ୍ରତିଶତ) ନିର୍ବାଚନୀ ବଣ୍ଡ ମିଳିଛି ।
ଅନ୍ୟାନ୍ୟ ଦଳ ମାନଙ୍କ ଭିତରେ ଭରାତୀୟ ରାଷ୍ଟ୍ର ସମିତି, ବିଜେଡି ଏବଂ ଡିଏମକେ ରହିଛି ଯାହାକୁ ୫୦୦ କୋଟିରୁ ଅଧିକ ନିର୍ବାଚନୀ ବଣ୍ଡ ମିଳିଛି ।
ଏସବିଆଇ ପକ୍ଷରୁ ମାର୍ଚ୍ଚ ୧୨ରେ ଏହି ତଥ୍ୟ ପ୍ରକାଶ କରାଯିବା ପରେ ଇସିଆଇ ଦ୍ୱାରା ଏହି ସୂଚନା ସାର୍ବଜନୀନ କରାଯାଇଛି । ପ୍ରକାଶ ଥାଉକି ସୁପ୍ରିମକୋର୍ଟ ୱେବସାଇଟରେ ଏହି ସମସ୍ତ ସୂଚନାକୁ ସାର୍ବଜନୀନ କରିବା ପାଇଁ ନିର୍ବାଚନ କମିଶନଙ୍କୁ ମାର୍ଚ୍ଚ ୧୫ ପର୍ଯ୍ୟମନ୍ତ ସମୟ ଦେଇଥିଲେ ।
ଏସବିଆଇ ୨ଟି ସେଟକୁ ଏହି ସମସ୍ତ ତଥ୍ୟ ପ୍ରଦାନ କରିଛି । ପ୍ରଥମ ସେଟରେ ପ୍ରତ୍ୟେକ ନିର୍ବାଚନୀ ବଣ୍ଡ କ୍ରୟର ତାରିଖ , ବଣ୍ଡ କ୍ରେତାଙ୍କ ନାମ ଏବଂ କିଣାଯାଇଥିବା ବଣ୍ଡର ମୂଲ୍ୟ ରହିଛି । ୧ ଏପ୍ରିଲ ୨୦୧୯ରୁ ୧୫ ଫେବୃଆରୀ ୨୦୨୪ ମଧ୍ୟରେ ୨୨,୨୧୭ ନିର୍ବାଚନୀ ବଣ୍ଡ କ୍ରୟ କରାଯାଇଛି ଏବଂ ସେହି ସମୟ ମଧ୍ୟରେ ୨୨,୦୩୦ ବଣ୍ଡ ରାଜନୈତିକ ଦଳମାନେ ପାଇଛନ୍ତି ।
Comments are closed.