ବଲିଉଡ ଅଭିନେତ୍ରୀ ମଲାଇକା ଅରୋରା ନିଜର ଫିଟନେସ ଏବଂ ବୋଲ୍ଡନେସକୁ ନେଇ ସର୍ବଦା ଚର୍ଚ୍ଚାରେ ରହିଥାନ୍ତି । କିନ୍ତୁ ବର୍ତ୍ତମାନ ମଲାଇକା ଖବରର ପରିସରକୁ ଆସିବାର କାରଣ କିଛି ଅଲଗା ରହିଛି । ସୋସିଆଲ ମିଡିଆରେ ଆକ୍ଟିଭ ରହୁଥିବା ମଲାଇକା ନିକଟରେ ଫୁଲ ଚୋରି କରୁଥିବାର ଦେଖିବାକୁ ମିଳିଛି । ଏହି କଥାକୁ ମଲାଇକା ନିଜେ ସ୍ୱୀକାର କରି ଇନଷ୍ଟାଗ୍ରାମରେ ଲେଖିଛନ୍ତି ଯେ, ସେ ଏକ ସୁନ୍ଦର ଫୁଲ ଚୋରି କରିଛନ୍ତି ।
ମଲାଇକାଙ୍କ ଏହି ଫଟୋ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ସେପଟେ ପ୍ରଶଂସକ ତାଙ୍କର ଏହି ଫଟୋକୁ ଖୁବ ଲାଇକ ଏବଂ ସେୟାର ମଧ୍ୟ କରୁଛନ୍ତି । ସେପଟେ ମଲାଇକାଙ୍କ ଫଟୋରେ ଅନେକ ବଲିଉଡ ହସ୍ତି କମେଣ୍ଟ ମଧ୍ୟ କରିଛନ୍ତି ।
View this post on Instagram
ଫଟୋକୁ ସେୟାର କରି ମଲାଇକା ଅନେକ ଗୁଡିଏ ଲାଫିଙ୍ଗ ଇମୋଜୀ ସହ କ୍ୟାପସନରେ ଲେଖିଛନ୍ତି ଯେ, “ଫୁଲ ଚୋର…. ବସନ୍ତ ଏଠାରେ ଅଛିା” ଫଟୋରେ ଆପଣ ଦେଖିପାରିବେ ଯେ, ମୁହଁରେ ମାସ୍କ ଲଗାଇ ସେ ଗ୍ରେ ସ୍ଲିଭଲେସ ଟି-ସାର୍ଟ ଏବଂ ସର୍ଟସ ପିନ୍ଧିଛନ୍ତି । ମଲାଇକା, ଗୋଟିଏ ହାତରେ କଇଁଚି ଏବଂ ଆଉ ଏକ ହାତରେ ଫୁଲରେ ଆଚ୍ଛାଦିତ ଥିବା ଡାଳକୁ ଧରି ଗାଡି ମଧ୍ୟକୁ ପଶୁଥିବାର ଦେଖିବାକୁ ମିଳୁଛି ।
ଏହି ଫଟୋରେ ଅଭିନେତ୍ରୀ ଟ୍ୱିଙ୍କିଲ ଖନ୍ନା ଏକ ମଜାଦାର କମେଣ୍ଟ ଦେଇଛନ୍ତି । ସେହିଭଳି ଅନେକ ୟୁଜର୍ସ ମଧ୍ୟ ମଲାଇକାଙ୍କୁ ଫୁଲ ଚୋର କହି କମେଣ୍ଟ କରିଛନ୍ତି । ପ୍ରକାଶ ଥାଉକି, ମଲାଇକା ସୋସିଆଲ ମିଡିଆରେ ସର୍ବଦା ସୁନ୍ଦର ଫଟୋ ସେୟାର କରୁଥିବାର ଦେଖିବାକୁ ମିଳିଥାଏ ।
Comments are closed.