ଫିଲ୍ମ କେଦାରନାଥରୁ ବଲିଉଡରୁ ପାଦ ଥାପିଥିବା ଚୁଲବୁଲୀ ନାୟିକା ସାରା ଅଲ୍ଲୀ ଖାନ୍ ତାଙ୍କର ଆଗାମୀ ଫିଲ୍ମ ‘ଲଭ ଆଜ କଲ’ଙ୍କୁ ନେଇ ଚର୍ଚ୍ଚାରେ ରହିଥିବାବେଳେ ବର୍ତ୍ତମାନ ତାଙ୍କୁ ଆଉ ଏକ ଫିଲ୍ମର ଅଫର ମିଳିଛି । ଏ ସଂପର୍କରେ ସୂଚନା ସାରା ନିଜେ ଇନଷ୍ଟାଗ୍ରାମରେ ଏକ ଫଟୋ ସେୟାର କରି ଦେଇଛନ୍ତି । ସାରା ନିଜ ଇନଷ୍ଟାଗ୍ରାମରେ ଅକ୍ଷୟ କୁମାର ଏବଂ ସାଉଥ ଷ୍ଟାର ଧନୁସଙ୍କ ସହ ଏକ ଫଟୋ ସେୟାର କରୁଥିବାର ଦେଖିବାକୁ ମିଳିଛି ।
ଏହି ଫିଲ୍ମ ସଂପର୍କରେ ଘୋଷଣା କରିବାକୁ ଯାଇ ସାରା ଲେଖିଛନ୍ତି ଯେ, “ମୁଁ ମୋ ଭାଗ୍ୟ ଉପରେ ବିଶ୍ୱାସ କରିପାରୁ ନାହିଁ ଯେ, ମୋ ଆଗାମୀ ଫିଲ୍ମ ଅନନ୍ଦ ଏଲ ରାୟଙ୍କ ‘ଅତରଙ୍ଗି ରେ ’ । ଏହା ସହ ମୋ ସହ କାମ କରିବା ପାଇଁ ମୁଁ ଅକ୍ଷୟ କୁମାର ଏବଂ ଧନୁଷଙ୍କୁ ଧନ୍ୟବାଦ ଦେବାକୁ ଚାହୁଁଛି । ହିମାଂଶୁ କୁମାରଙ୍କ ଦ୍ୱାରା ଲିଖିତ ଏହି ଫିଲ୍ମ ଭୂଷଣ କୁମାରଙ୍କ ଟି-ସିରିଜ ବନ୍ୟାର ଅଧିନରେ ପ୍ରସ୍ତୁତ ହେବ । ଏହି ଫିଲ୍ମ ଆଗାମୀ ବର୍ଷ ୧୪ ଫେବୃଆରୀ ୨୦୨୧ରେ ରିଲିଡ ହେବ ।”
ଏହି ଫିଲ୍ମରେ ଅକ୍ଷୟ ଏକ ଛୋଟ ଭୂମିକାରେ ନଜର ଆସିବାକୁ ଥିବାବେଳେ ମୁଖ୍ୟ ଭୂମିକାରେ ନଜର ଆସିବେ ଧନୁଷ ଏବଂ ସାରା । ଫିଲ୍ମଟି ପ୍ରେମ କାହାଣୀ ଠାରୁ ଭିନ୍ନ ରହିବ । ଏହି ଫିଲ୍ମର ନିର୍ଦ୍ଦେଶନା ଦେବେ ଫିଲ୍ମ ଜିରୋର ନିର୍ଦ୍ଦେଶକ ଆନନ୍ଦ ଏଗ ରାୟ ।
Comments are closed.