ଆଜି (ବୁଧବାର) ଅର୍ଥାତ ଡିସେମ୍ୱର ୭ରେ ଭାରତ ଓ ବାଂଲାଦେଶ ମଧ୍ୟରେ ଦ୍ୱିତୀୟ ଦିନିକିଆ (IND vs BAN 2nd ODI Match) ଜାରି ରହିଛି । ଏହି ଦ୍ୱିତୀୟ ଦିନିକିଆ ମ୍ୟାଚର ଦ୍ୱିତୀୟ ଓଭରରେ ଟିମ୍ ଇଣ୍ଡିଆ (Team India) କୁ ଏକ ବଡ଼ ଝଟକା ଲାଗିଛି । ଭାରତୀୟ ଦଳର ଅଧିନାୟକ (Indian Captain) ରୋହିତ ଶର୍ମା (Rohit Sharma) ଙ୍କୁ ବଲ୍ ଲାଗିବାରୁ ବାମ ହାତରୁ ରକ୍ତସ୍ରାବ ହେବାକୁ ଲାଗିଲା ଓ ତାଙ୍କୁ ମୈଦାନ ଛାଡ଼ିବାକୁ ପଡିଛି । ଆଘାତ ଗୁରୁତର ଥିବା ଜଣାପଡିଛି । ରୋହିତ ଶର୍ମା ମୈଦାନରୁ ବାହାରକୁ ଯାଉଥିବା ବେଳେ ତାଙ୍କ ହାତରୁ ରକ୍ତସ୍ରାବ ହେଉଥିଲା । ଦ୍ୱିତୀୟ ଓଭରର ଚତୁର୍ଥ ବଲରେ ଏପରି ଘଟିଥିଲା କି ଯେତେବେଳେ ଅନାମୁଲ ଏକ ଶଟ୍ ମାରିଥିଲେ ଓ କ୍ୟାଚ୍ ନେବା ସମୟରେ ରୋହିତ ଶର୍ମାଙ୍କୁ ନିଜ ହାତରେ ଆଘାତ ଲାଗିଥିଲା । ଯଦି ରିପୋର୍ଟକୁ ବିଶ୍ୱାସ କରାଯାଏ, ତେବେ ତାଙ୍କୁ ଏକ୍ସ-ରେ ପାଇଁ ଡାକ୍ତରଖାନା ପଠାଯାଇଛି ।
Rohit sharma got injured #Rohitsharma pic.twitter.com/4IAOHpt1Ua
— Adnan Ansari (@AdnanAn71861809) December 7, 2022
ମହମ୍ମଦ ସିରାଜଙ୍କ ଫାଷ୍ଟ ବଲରେ ଅନାମୁଲ ଶଟ୍ ମାରିବାକୁ ବିଫଳ ହୋଇଥିଲେ ଓ ବଲ୍ ବ୍ୟାଟ୍ର ସାଇଡରେ ଲାଗି ସ୍ଲିପ୍ରେ ପହଞ୍ଚିଥିଲା ଯେଉଁଠାରେ ରୋହିତ ଶର୍ମା ଛିଡ଼ା ହୋଇଥିଲେ । ତେବେ ବଲ୍ ଆଶା କରିଥିବା ଠାରୁ ବହୁତ କମ୍ ତଳେ ରହିଥିଲା ଓ ତାଙ୍କ ହାତକୁ ଯାଇ ଲାଗିଥିଲା । ଏହି ଉପାୟରେ ରୋହିତ ଶର୍ମା (Rohit Sharma) କ୍ୟାଚକୁ ମଧ୍ୟ ଧରିପାରି ନଥିଲେ ଓ ତାଙ୍କ ହାତକୁ ଆଘାତ ଲାଗିଥିଲା । ରୋହିତ ଶର୍ମା ସଙ୍ଗେ ସଙ୍ଗେ ରକ୍ତା ଝରୁଥିବା ହାତ ଧରି ମୈଦାନ ଛାଡି ଚାଲିଯାଇଥିଲେ । ଫିଲ୍ଡିଂ ପାଇଁ ତାଙ୍କ ସ୍ଥାନରେ ରଜତ ପାଟିଦାର ଆସିଥିଲେ ।
କମେଣ୍ଟ୍ରୀ କରୁଥିବା ବିବେକ ରାଜଦାନ ଏହି ସମୟରେ କହିଛନ୍ତି ଯେ, ଯଦି ଆଘାତ ଗୁରୁତର ହୁଏ ତେବେ ସେ ବ୍ୟାଟିଂ ପାଇଁ ପଡ଼ିଆକୁ ଆସିବେ ନାହିଁ । ଅନ୍ୟପକ୍ଷରେ, ତାଙ୍କ ଅନୁପସ୍ଥିତିରେ କେ.ଏଲ୍ ରାହୁଲ ଅଧିନାୟକତ୍ୱ କରୁଛନ୍ତି, ଯିଏକି ମ୍ୟାଚରେ ୱିକେଟ୍ କିପର ମଧ୍ୟ ଅଛନ୍ତି । ଆମେ ଆପଣଙ୍କୁ କହି ରଖୁଛୁ ଯେ, ଏହି ସିରିଜର ପ୍ରଥମ ODI ରେ ଭାରତ ଏକ ୱିକେଟରେ ପରାଜୟର ସମ୍ମୁଖୀନ ହୋଇଥିଲା । ଏହି ମ୍ୟାଚ ପରେ ରୋହିତ ଶର୍ମାଙ୍କ ଅଧିନାୟକତ୍ୱ ଉପରେ ପ୍ରଶ୍ନ ଉଠିଥିଲା । କାରଣ ବାଂଲାଦେଶର ୯ ୱିକେଟ ଯିବା ସତ୍ତ୍ୱେ ଶେଷ ୱିକେଟ ନେବାରେ ଭାରତୀୟ ବୋଲର ମାନେ ସକ୍ଷମ ହୋଇପାରି ନଥିଲେ । ସେହିପରି କେଏଲ ରାହୁଲଙ୍କୁ ମଧ୍ୟ ସମାଲୋଚନାର ଶିକାର ହେବାକୁ ପଡ଼ିଥିଲା । କାରଣ କେଏଲ ରାହୁଲ ଏକ ଗୁରୁତ୍ୱପୂର୍ଣ୍ଣ ମୁହୂର୍ତ୍ତରେ କ୍ୟାଚ୍ ଡ୍ରପ କରିଥିଲେ । ଯଦି ରୋହିତ ଶର୍ମାଙ୍କ ଆଘାତ ଗୁରୁତର, ତେବେ ଏହା ଭାରତୀୟ ଦଳ ପାଇଁ ଏକ ବଡ ଝଟକା ହେବ । କାରଣ ODI ସିରିଜ୍ ପରେ ଟିମ୍ ଇଣ୍ଡିଆକୁ ମଧ୍ୟ ବାଂଲାଦେଶ ବିପକ୍ଷରେ ଟେଷ୍ଟ ସିରିଜ୍ ଖେଳିବାର ଅଛି ।
Comments are closed.