ପ୍ରାୟତଃ ୯୦ପ୍ରତିଶତ ଭାରତୀୟଙ୍କ ରୁଚି ଖାଦ୍ୟ ଖାଇବା କିନ୍ତୁ ବର୍ତ୍ତମାନର ଓଜନ ବୃଦ୍ଧି ସମସ୍ୟାକୁ ନେଇ ଡାଏଟିଂ ଏବଂ ବହୁ ଖାଦ୍ୟପେୟର ବର୍ଜନ ସମସ୍ତଙ୍କୁ ନିଜ ପ୍ରିୟ ଖାଦ୍ୟ ଠାରୁ ଦୂରେଇ ରଖିଥାଏ । ତେଣୁ ଏପରି କିଛି ଖାଦ୍ୟ ପଦାର୍ଥ ଅଛି ଯାହା ଆପଣ ନିଶ୍ଚିନ୍ତରେ ଖାଇପାରିବେ ଯାହା ଆପଣଙ୍କ ଓଜନର କୌଣସି ବୃଦ୍ଧି କରାଇନଥାଏ । ଏହି ଖାଦ୍ୟଗୁଡିକ ଆପଣଙ୍କୁ ସମ୍ପୂର୍ଣ୍ଣ ସାଟିସଫାଏ କରିଥାଏ କିନ୍ତୁ କ୍ୟାଲୋରୀରେ କୌଣସି ପରିବର୍ତ୍ତନ କରିନଥାଏ । ଏହି ଖାଦ୍ୟଗୁଡିକ ଉଚ୍ଚ ମାତ୍ରାରେ ଫାଇବର ଏବଂ ଭିଟାମିନ ଯୁକ୍ତ ଅଟେ । ଏବଂ ଏହା ଖାଇବା ପରେ ବହୁ ସମୟ ପର୍ଯ୍ୟନ୍ତ ଭୋକ ଲାଗିନଥାଏ । ଆସନ୍ତୁ ଜାଣିବା ଏହି କିଛି ଖାଦ୍ୟ ପଦାର୍ଥ ସମ୍ପର୍କରେ . . . . .
୧. ସିଝା ଆଳୁ – ଓଜନ ହ୍ରାସ କରିବାକୁ ଚାହୁଁଥିବା ଲୋକମାନେ ନିଜର ଖାଦ୍ୟ ପ୍ରଣାଳୀରେ ଆଳୁ ଆଡ କରନ୍ତି ନାହିଁ । କିନ୍ତୁ ଆଳୁ ଖାଇବା ଦ୍ୱାରା ଆପଣଙ୍କୁ ଉଚ୍ଚମାତ୍ରାରେ ଷ୍ଟାର୍ଚ ଏବଂ କାର୍ବୋହାଇଡ୍ରେଟ ମିଳିଥାଏ । ଏଥିରେ ମଧ୍ୟ ଫାଇବରର ମାତ୍ରା ଅଧିକ ରହିଛି ଯାହା ଖାଇବା ପରେ ବହୁ ସମୟ ପର୍ଯ୍ୟନ୍ତ ଭୋକ ଲାଗିନଥାଏ ।
୨. ଅଣ୍ଡା – ଅଣ୍ଡା ସମ୍ପୂର୍ଣ୍ଣଭାବେ ଭିଟାମିନ ଏବଂ ଫାଇବରର ଏକ ଉତ୍ତମ ସ୍ରୋତ । ଏଥିରେ ୯ଟି ଆବଶ୍ୟକୀୟ ଏମିନୋ ଏସିଡ ରହିଛି । ଏହାକୁ ସାକଳୁ ଖାଇବା ଦ୍ୱାରା ଆପଣଙ୍କର ଓଜନ ହ୍ରାସ ହେବା ସହିତ ବିଏମଆଇ କମ ହୋଇଥାଏ ।
୩. ଓଟ୍ସ – ଓଟସ ସାଧାରଣତଃ ସକାଳ ବ୍ରେକଫାଷ୍ଟରେ ଖାଇଥାନ୍ତି । ଓଟସ ପେଟ ଫୁଲ କରିବା ସହିତ ଓଜନ ହ୍ରାସ କରିବାରେ ସାହାଯ୍ୟ କରିଥାଏ । ଓଟସ ଉଚ୍ଚ ଫାଇବର ଏବଂ ପ୍ରୋଟିନ ଯୁକ୍ତ ଅଟେ । ଏଥିରେ ଉଚ୍ଚମାତ୍ରାରେ ବିଟା-ଗ୍ଲୁକୋନ ରହିଛି ଯାହା ରକ୍ତ ଶର୍କରାକୁ ନିୟନ୍ତ୍ରଣ କରିଥାଏ ।
୪. ଶିମ୍ବ ଜାତୀୟ ଉଦ୍ଭିଦ – ଶିମ୍ବ ଜାତୀୟ ଉଦ୍ଭିଦ ତଥା ବିନ୍ସ, ଝୁଡଙ୍ଗ, ଗ୍ରିନ ମଟର ଭିଟାମିନ ଏବଂ ଫାଇବରର ଉତ୍ତମ ସ୍ରୋତ । ଏହା ଆପଣଙ୍କୁ ଓଜନ ହ୍ରାସ କରିବାରେ ସାହାଯ୍ୟ କରିଥାଏ । ଏବଂ ଯେତେଖାଇଲେ ମଧ୍ୟ ଓଜନ ବୃଦ୍ଧି ହୋଇନଥାଏ । ଏହା କୋଲେଷ୍ଟ୍ରଲ ମଧ୍ୟ କମ କରିବାରେ ସାହାଯ୍ୟ କରିଥାଏ ।
୫. ସେଓ – ଏକ ସନ୍ତୁଳିତ ଡାଏଟ ପାଇଁ ଫଳ ଖୁବ ଉପକାରୀ । ଏଥିରେ ପ୍ରାୟତଃ ୮୫ପ୍ରତିଶତ ଜଳ ରହିଛି । ଏଥିରେ ଉଚ୍ଚମାତ୍ରାରେ ଫାଇବର ଥିବା ବେଳେ ଏହା ହଜମ କ୍ରିୟାରେ ସାହାଯ୍ୟ କରିଥାଏ । ଆପଣ ବ୍ରେକଫାଷ୍ଟରେ ଗୋଟିଏ ସେଓ ଖାଇବା ଦ୍ୱାରା ପେଟ ଖୁବ ସମୟ ପର୍ଯ୍ୟନ୍ତ ଫୁଲ ରହିଥାଏ । ଗୋଟିଏ ସେଓରେ ପ୍ରାୟ ୧୫୦ କ୍ୟାଲୋରୀ ରହିଛି ଯାହା ପେଟକୁ ଫୁଲ କରିଥାଏ କିନ୍ତୁ ଓଜନ ବୃଦ୍ଧି କରିନଥାଏ ।
୬. ମାଛ – ମାଛ ଓମେଗା-୩ ଫ୍ୟାଟି ଏସିଡର ଉତ୍ତମ ସ୍ରୋତ ଅଟେ । ଏହା ଖାଇବା ଦ୍ୱାରା ବହୁ ସମୟ ପର୍ଯ୍ୟନ୍ତ ପେଟ ଫୁଲ ରହିଥାଏ ଏବଂ ଭୋକ ଲାଗିନଥାଏ । ମାଛ ଶରୀର ପାଇଁ ବହୁ ଉପକାରୀ ହୋଇଥିବା ବେଳେ ମାଛ ଓଜନ ବୃଦ୍ଧି କରିନଥାଏ ।
୭. ସବୁଜ ପରିବା – ସବୁଜ ପରିବା ଉଚ୍ଚ ଫାଇବର ଏବଂ ଭିଟାମିନ ଯୁକ୍ତ ଏବଂ ନିମ୍ନ କ୍ୟାଲୋରୀ ଯୁକ୍ତ । ଏହା ପେଟ ବହୁ ସମୟ ପର୍ଯ୍ୟନ୍ତ ଫୁଲ ରଖିଥାଏ ଏବଂ ଓଜନ ବୃଦ୍ଧି ହୋଇନଥାଏ । ଏହାକୁ ଆପଣ ରନ୍ଧି କରି ଖାଇପାରିବେ କିମ୍ବା ଷ୍ଟିମ କରି ଖାଇପାରିବେ ।
୮. ପପକର୍ନ – ବହୁ ଲୋକଙ୍କୁ ପପକର୍ନ ପସନ୍ଦ ଥିଲେ ମଧ୍ୟ ଓଜନ ବଢିବା ଡରରେ ପପକର୍ନ ଖାଇନଥାନ୍ତି କିନ୍ତୁ ପପକର୍ନ ଖାଇବା ଦ୍ୱାରା ଓଜନରେ କୌଣସି ଫରକ ପଡିନଥାଏ ଏବଂ ଆପଣଙ୍କ ପେଟ ଖୁବ ଶୀଘ୍ର ଫୁଲ ହୋଇଯାଇଥାଏ । ଏହା ସମ୍ପୂର୍ଣ୍ଣଭାବେ ଫାଇବର ଯୁକ୍ତ ଏବଂ ଫ୍ୟାଟ ବିହୀନ ଅଟେ ।
୯. ଦହି – ସମସ୍ତ ପ୍ରକାରର ସ୍ୱାସ୍ଥ୍ୟକର ଖାଦ୍ୟ ମଧ୍ୟର ଦହି ଖୁବ ଗୁରୁତ୍ୱପୂର୍ଣ୍ଣ । ଦହି କ୍ୟଲସିୟମ ଏବଂ ଫାଇବରରେ ଭରପୁର ଏକ ଉତ୍ତମ ଖାଦ୍ୟ । ଏହା ଆପଣଙ୍କ ଶରୀରରେ ଫ୍ୟାଟର ମାତ୍ରାକୁ କମ କରିଥାଏ ଏବଂ ଓଜନ ହ୍ରାସ କରିଥାଏ । ଏହାର ଫାଇବରଗୁଣ ହଜମକ୍ରିୟାରେ ସାହାଯ୍ୟ କରିଥାଏ ।
୧୦. କାକୁଡି – କାକୁଡିକୁ ସାଧାରଣତଃ ସାଲାଡରେ ବ୍ୟବହାର କରାଯାଇଥାଏ । କାକୁଡିରେ ୯୦ପ୍ରତିଶତ ଜଳୀୟ ଅଂଶ ରହିଥିବାରୁ ଏହା ପେଟକୁ ଖୁବ ଅଧିକ ସମୟ ପର୍ଯ୍ୟନ୍ତ ଫୁଲ ରଖିଥାଏ ଏବଂ ଅନାବଶ୍ୟକ ଫ୍ୟାଟ କମ କରିଥାଏ ।
Prev Post
Comments are closed.