ପ୍ରାୟ ସମସ୍ତେ ପିଜୁଳି ଖାଇବାକୁ ପସନ୍ଦ କରିଥାନ୍ତି । ସ୍ବାସ୍ଥ୍ୟ ପାଇଁ ଏହା ଅତ୍ୟନ୍ତ ଲାଭଦାୟକ ହୋଇଥାଏ । କାରଣ ଏହା ହଜମ କରାଇବା ଏବଂ ଅନ୍ୟ ସମସ୍ୟା ଦୂର କରିବାରେ ସାହାଯ୍ୟ କରିଥାଏ । ଆପଣ ଜାଣିଛନ୍ତି କି ପିଜୁଳି ପତ୍ର ବି ସ୍ବାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ । ତେବେ ଆସନ୍ତୁ ଜାଣିବା ଏହାର ଉପକାରିତା ବିଷୟରେ ।
ଓଜନ ହ୍ରାସ କରିବାରେ ସହାୟକ ହୋଇଥାଏ :
କମ୍ପ୍ଲେକ୍ସ ଷ୍ଟାର୍ଚ ଯେତେବେଳେ ସୁଗାରରେ ପରିଣତ ହୋଇଥାଏ ସେତେବେଳେ ଓଜନ ବୃଦ୍ଧି ହେବା ଆରମ୍ଭ ହୋଇଥାଏ । ପିଜୁଳି ପତ୍ର ଏହି ପ୍ରକ୍ରିୟାକୁ ରୋକିବାରେ ସାହାଯ୍ୟ କରିଥାଏ । ଯାହା ଫଳରେ ଓଜନ ହ୍ରାସ ହୋଇଥାଏ । ଏହାସହ ପିଜୁଳି ପତ୍ରରେ କାର୍ବୋହାଇଡ୍ରେଟ୍ ହ୍ରାସ କରିବାର ଶକ୍ତି ଥାଏ ଯେଉଁଥିପାଇଁ ଏହାକୁ ଖାଇବା ଦ୍ବାରା ମୋଟାପଣ ଦୂର ହୋଇପାରେ ।
ଡାଇରିଆରୁ ମିଳିବ ମୁକ୍ତି :
ଡାଇରିଆ ସମସ୍ୟାରେ ପିଜୁଳି ପତ୍ର ସହାୟକ ହୋଇଥାଏ । ଏକ ଗ୍ଲାସ୍ ପାଣିରେ ଅଧା କପ୍ ଚାଉଳ ଅଟାକୁ ଫୁଟାନ୍ତୁ । ଏହାକୁ ଦିନକରେ ଦୁଇ ଥର ପିଅନ୍ତୁ । ଏହା ଫଳରେ ପେଟ ଠିକ୍ ହୋଇଯିବ ।
କୋଲେଷ୍ଟ୍ରଲ ସ୍ତର କମ୍ ହେବ :
ଅଧିକ ତେଲ ଯୁକ୍ତ ଖାଦ୍ୟ ଖାଇବା ଦ୍ବାରା ଖରାପ କୋଲେଷ୍ଟ୍ରଲ ସ୍ତର ବଢିପାରେ । ଏଥିପାଇଁ ଆପଣ ପିଜୁଳି ପତ୍ରର ଚା’ ପିଇବା ଆରମ୍ଭ କରିପାରିବେ । ଏମିତି କିଛି ମାସ କରିବା ଦ୍ବାରା LDL ଯଥେଷ୍ଟ ହ୍ରାସ ପାଇବ ।
କେଶ ପାଇଁ ଭଲ :
ପିଜୁଳି ପତ୍ରରେ ଆଣ୍ଟିଅକ୍ସିଡାଣ୍ଟ ଭରପୂର ରହିଥାଏ । ଏହାଦ୍ବାରା କେଶ ବଢିଥାଏ । ପିଜୁଳି ପତ୍ରକୁ ପେସି ମୁଣ୍ଡରେ ଲଗାଇବେ ତେବେ କେଶ ସିଲ୍କି ଏବଂ ଚମକପୂର୍ଣ୍ଣ ହୋଇଯିବ ।
ମଧୁମେହରେ ଲାଭଦାୟକ :
ପିଜୁଳି ପତ୍ରରେ ପ୍ରସ୍ତୁତ କରାଯାଇଥିବା ଚା’ ଆଲଫା-ଗ୍ଲୁକୋସାଇଡେଜ୍ ଏନଜାଇମ୍ କାର୍ଯ୍ୟକଳାପକୁ ହ୍ରାସ କରି ମଧୁମେହ ରୋଗୀଙ୍କ ରକ୍ତରେ ଶର୍କରା ସ୍ତରକୁ ହ୍ରାସ କରିବାରେ ସାହାଯ୍ୟ କରିଥାଏ । ଏଥିପାଇଁ ପ୍ରାୟ ୩ ମାସ ପର୍ଯ୍ୟନ୍ତ ପ୍ରତିଦିନ ଏହି ପତ୍ରର ଚା’ ପିଅନ୍ତୁ ।
Comments are closed.