ଖରାଦିନେ ସନ୍ଗ୍ଲାସ୍ ଟ୍ରେଣ୍ଡ୍ ଅଧିକ । ଲୁକ୍ ପରିବର୍ତ୍ତନ ପାଇଁ ସନ୍ଗ୍ଲାସ୍ ଏକ ଭଲ ଆକ୍ସେସରି । କେବଳ ଆଖିକୁ ସୁରକ୍ଷା ଦେଇନଥାଏ । ଷ୍ଟାଇଲିଶ୍ ଲୁକ୍ ମଧ୍ୟ ଦେଇଥାଏ । ଆଜିକାଲି ବିଭିନ୍ନ ଡିଜାଇନର୍ ସନ୍ଗ୍ଲାସ୍ ଟ୍ରେଣ୍ଡରେ ।
କଲର୍ଫୁଲ୍ ରିମ୍ସ ସନ୍ଗ୍ଲାସ୍
ଏବେ କଲର୍ଫୁଲ୍ ରିମ୍ସ ସନ୍ଗ୍ଲାସ୍ ଟ୍ରେଣ୍ଡ୍ ଅଧିକ । ବଜାରରେ ଏହାର ବିଭିନ୍ନ ପ୍ରକାର ଡିଜାଇନ୍ ଉପଲବ୍ଧ । ଏଥିରେ ସନ୍ଗ୍ଲାସ୍ ଫ୍ରେମ ରଙ୍ଗୀନ ହେବା ସହିତ ରିମ୍ସ ମଧ୍ୟ ରଙ୍ଗୀନ ଥାଏ । ତେଣୁ ପିନ୍ଧିଲେ ଟ୍ରେଣ୍ଡି ଲାଗେ । ପୋଷାକ ସହିତ ମ୍ୟାଚ୍ କରି ରିମ୍ସ ସନ୍ଗ୍ଲାସ୍ ପିନ୍ଧନ୍ତୁ ।
ଫ୍ଲୋରାଲ ଫ୍ରେମ୍ ସନ୍ଗ୍ଲାସ୍
ଫ୍ୟାଶନେବଲ୍ ଝିଅମାନେ ଫ୍ଲୋରାଲ୍ ଫ୍ରେମ୍ ସନ୍ଗ୍ଲାସ୍ ଅଧିକ ପସନ୍ଦ କରନ୍ତି । ଫ୍ଲୋରାଲ ରାଉଣ୍ଡ ରେଟ୍ରୋ ଫ୍ରେମ୍, କ୍ଲାସିକ ସ୍କୋୟାର ଏବଂ କ୍ୟାଟ ଆଇ ଫ୍ରେମ୍ ଏବେ ଟ୍ରେଣ୍ଡରେ । ବ୍ଲୁ, ପିଙ୍କ, ୟେଲୋ ପରି ଉଜ୍ଜ୍ୱଳ ରଙ୍ଗ ବାଛନ୍ତୁ । କିନ୍ତୁ ଆପଣଙ୍କ ଚେହେରା ଉପରେ କେଉଁ ଡିଜାଇନର୍ ସନ୍ଗ୍ଲାସ୍ ଭଲ ମାନିବ ସେହି ଅନୁଯାୟୀ ନିଅନ୍ତୁ । କ୍ଲାସିକ୍ ଲୁକ୍ ଚାହୁଁଥିଲେ ହ୍ୱାଇଟ୍ ଫ୍ରେମ୍ ସନ୍ଗ୍ଲାସ୍ ପିନ୍ଧନ୍ତୁ ।
ଆଭିଏଟର ସନ୍ଗ୍ଲାସ୍
ଆଭିଏଟର ସନ୍ଗ୍ଲାସ୍ ଡିଜାଇନ୍ ପ୍ରଥମେ ପୁରୁଷମାନଙ୍କ ପାଇଁ ତିଆରି ହୋଇଥିଲା । କିନ୍ତୁ ଏବେ ଏହାକୁ ଝିଅମାନେ ମଧ୍ୟ ପିନ୍ଧୁଛନ୍ତି । ୱିମେନ୍ ଆଭିଏଟର୍ ସନଗ୍ଲାସ୍ର ଲେନ୍ସ ବଡ଼ ଥାଏ । ଏହା ବିଭିନ୍ନ ପ୍ରକାର ଫଙ୍କି କଲର୍ରେ ଉପଲବ୍ଧ । ପୋଷାକ ଅନୁସାରେ ରଙ୍ଗ ବାଛିପାରିବେ ।
ଓଭର ସାଇଜଡ୍ ସନ୍ଗ୍ଲାସ୍
ଓଭର ସାଇଜଡ୍ ସନ୍ଗ୍ଲାସ୍ ଯେକୌଣସି ମହିଳାଙ୍କ ମୁହଁକୁ ଭଲ ମାନିଥାଏ । ଏହାର ବିଭିନ୍ନ ପ୍ରକାର ସେପ୍ ଆସୁଛି ଯେମିତି ରାଉଣ୍ଡ, ସ୍କୋୟାର ଏବଂ ଜିଓମେଟ୍ରିକ୍ ଷ୍ଟାଇଲ୍ । ଆପଣଙ୍କ ପସନ୍ଦ ହିସାବରେ ଯେକୌଣସି ସେପ୍ ବାଛିପାରିବେ । ଅନ୍ୟଙ୍କଠାରୁ ଭିନ୍ନ ଦିଶିବେ ।
କ୍ୟାଟ୍ ଆଇ ସନ୍ଗ୍ଲାସ୍
କ୍ୟାଟ୍ ଆଇ ସନ୍ଗ୍ଲାସ୍ କେବେ ଫ୍ୟାଶନ୍ ଆଉଟ୍ ହୁଏ ନାହିଁ । ଏଥିରେ ନୂଆ ଆଇ ଲୁକ୍ ମିଳିଥାଏ । ଫ୍ରେମ୍ କର୍ନର ଅଳ୍ପ ସାର୍ପ ରହିଥାଏ, ଯାହା ଆଇ ଲୁକ୍କୁ ପୂରା ପରିବର୍ତ୍ତନ କରିଥାଏ । ରାଉଣ୍ଡ ଏବଂ ଓଭାଲ ଫେସ୍ରେ ଏହି ସନ୍ଗ୍ଲାସ୍ ଭଲ ମାନିଥାଏ ।
ସ୍କୋୟାର ସନ୍ଗ୍ଲାସ୍
ସ୍କୋୟାର ସନ୍ଗ୍ଲାସ୍ ଷ୍ଟାଇଲିଶ୍ ଲୁକ୍ ଦେଇଥାଏ । କିନ୍ତୁ ଏହା ସମସ୍ତଙ୍କ ମୁହଁକୁ ଭଲ ମାନିଥାଏ । ଓଭାଲ ଏବଂ ରାଉଣ୍ଡ ଫେସ୍କୁ ଭଲ ମାନିଥାଏ । ବ୍ଲାକ୍ ବଦଳରେ ବ୍ଲୁ, ୟୋଲୋ, ପିଙ୍କ୍ ରେଡ୍ କଲର୍ ସନ୍ଗ୍ଲାସ୍ ନିଅନ୍ତୁ ବେଶି ଭଲ ଲାଗିବ ।
Comments are closed.