ମୌସୁମୀ ଋତୁରେ ଅନେକ ରୋଗର ପ୍ରସାର ଦ୍ରୁତ ଗତିରେ ବଢିବାରେ ଲାଗିଥାଏ । ମ୍ୟାଲେରିଆ ହେଉ, ଡେଙ୍ଗୁ ହେଉ, ଚିକୁନଗୁନିଆ ହେଉ ବା କଂଜେକ୍ଟିଭାଇଟିସ୍, ଏହି ସବୁ ରୋଗ ପାଦ ବ୍ୟାପିବା ଆରମ୍ଭ କରିଦିଏ। ବର୍ଷାଦିନେ ଭୂତାଣୁ ଜନିତ ଜ୍ୱର ମଧ୍ୟ ବହୁତ ଦେଖାଯାଏ, ଯାହା ବହୁ ସଂଖ୍ୟାରେ ଲୋକଙ୍କୁ ପ୍ରଭାବିତ କରିଥାଏ । ଜ୍ୱର ହେଲେ ଲୋକମାନେ ଅନେକ ସମୟରେ ଗାଧୋଇବାରୁ ଦୂରେଇ ରୁହନ୍ତି, କାରଣ ସେମାନେ ବିଶ୍ୱାସ କରନ୍ତି ଯେ ଗାଧୋଇବା ଦ୍ୱାରା ଜ୍ୱର ଆହୁରି ବଢିବ । ତେବେ କିଛି ଲୋକ ଅଛନ୍ତି ଯେଉଁମାନେ ଜ୍ୱର ହେଲେ ବି ବିନା ଦ୍ୱିଧାରେ ଗାଧୋଇଥାନ୍ତି । ଏବେ ପ୍ରଶ୍ନ ଉଠୁଛି ଜ୍ୱର ହେଲେ ଗାଧୋଇବେ କି ନାହିଁ ? ଆସନ୍ତୁ ଜାଣିବା…
ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ ଜ୍ୱର ହେଲେ ଗାଧୋଇଲେ ଶରୀର କିମ୍ବା ସ୍ୱାସ୍ଥ୍ୟ ଉପରେ କୌଣସି ଖରାପ ପ୍ରଭାବ ପଡିନଥାଏ । ଜ୍ୱର ସମୟରେ ଶରୀରରେ ବହୁତ ଯନ୍ତ୍ରଣା ହୁଏ ଏବଂ ଦୁର୍ବଳତା ଅନୁଭବ ହୁଏ । ଏହି କାରଣରୁ ଅଧିକାଂଶ ଲୋକ ଏହି ସମୟରେ ଗାଧୋଇବାକୁ ଚାହାନ୍ତି ନାହିଁ । ଯଦି ଆପଣ ଜ୍ୱରରେ ମଧ୍ୟ ଗାଧୋଇ ନ ପାରି ରହିପାରନ୍ତି ନାହିଁ, ତେବେ ଆପଣ ଗାଧୋଇପାରିବେ । ତେବେ ଥଣ୍ଡା ପାଣିରେ ଗାଧୋଇବା ପରିବର୍ତ୍ତେ ଉଷୁମ ପାଣିବ୍ୟବହାର କରିବା ଉଚିତ। କାରଣ ଉଷୁମ ପାଣିରେ ଗାଧୋଇବା ଦ୍ୱାରା ମାଂସପେଶୀକୁ ଆରାମ ମିଳିବା ସହ ଶରୀରର ତାପମାତ୍ରା ମଧ୍ୟ ହ୍ରାସ ପାଇଥାଏ ।
ପ୍ରବଳ ଜ୍ୱର ହେଲେ ଭୁଲରେ ବି ଥଣ୍ଡା ପାଣିରେ ସ୍ନାନ କରନ୍ତୁ ନାହିଁ । କାରଣ ଏପରି କରିବା ଦ୍ୱାରା ଆପଣଙ୍କ ଅସୁବିଧା ବଢିପାରେ । ଦୈନିକ ଗାଧୋଇବାର ଅଭ୍ୟାସ ଥିବା କିଛି ଲୋକ ଅନେକ ସମୟରେ ଜ୍ୱରରେ ମଧ୍ୟ ଗାଧୋଇଥାଆନ୍ତି। ତେବେ ଅନେକ ସମୟରେ ଜ୍ୱର ଯୋଗୁଁ ଶରୀର ଏତେ ଦୁର୍ବଳ ହୋଇଯାଏ ଏବଂ ଏଥିରେ ଏତେ ତୀବ୍ର ଯନ୍ତ୍ରଣା ହୁଏ ଯେ ସେମାନେ କ’ଣ କରିବେ ବୁଝି ପାରନ୍ତି ନାହିଁ ।
ଗାଧୋଇ ନପାରିଲେ କ’ଣ କରିବେ
ଏଭଳି ସ୍ଥିତିରେ ଗୋଟିଏ ଗାମୁଛା ନେଇ ଥଣ୍ଡା ପାଣିରେ ଭିଜାଇ ଦିଅନ୍ତୁ। ତା’ପରେ ଏହି ଗାମୁଛାରେ ଶରୀରକୁ ପୋଛି ଦିଅନ୍ତୁ। ଏହା ଦ୍ୱାରା ଗାଧୋଇବାର ସମସ୍ୟା ମଧ୍ୟ ଦୂର ହେବା ସହ ଜ୍ୱରରୁ ମଧ୍ୟ ମୁକ୍ତି ମିଳିବ । କିନ୍ତୁ ଧ୍ୟାନ ରଖନ୍ତୁ ଯେ ଗାମୁଛାକୁ ଭିଜାଇବା ପାଇଁ ବରଫ ପାଣି ବ୍ୟବହାର କରିବେ ନାହିଁ । କାରଣ ଏହା ଆପଣଙ୍କ ଜ୍ୱରକୁ ବଢାଇପାରେ ।
Disclaimer: ଏହି ପ୍ରବନ୍ଧରେ ବର୍ଣ୍ଣିତ ପଦ୍ଧତି, ଉପାୟ ଏବଂ ପରାମର୍ଶ କାର୍ଯ୍ୟକାରୀ କରିବା ପୂର୍ବରୁ, ଜଣେ ଡାକ୍ତର କିମ୍ବା ସମ୍ପୃକ୍ତ ବିଶେଷଜ୍ଞଙ୍କ ପରାମର୍ଶ ନିଅନ୍ତୁ।
Comments are closed.