ପୂର୍ବରୁ ଅନେକ ଜାତୀୟସ୍ତରର ସଙ୍ଗୀତ ପ୍ରତିଯୋଗୀତାରେ ଅନେକ ଓଡିଆ ପୁଅ ନିଜ କଣ୍ଠର ଯାଦୁ ଦେଖାଇ ସାରିଥିବାବେଳେ ଏବେ ପୁଣି ଥରେ ଇଣ୍ଡିଆନ ଆଇଡଲ ୧୦ମ ସଂସ୍କରଣରେ ଆଉ ଜଣେ ଓଡିଆ ପୁଅ ବିଶ୍ୱଜିତ ମହାପାତ୍ର ତାଙ୍କର ଯାଦୁ ଦେଖାଇବାକୁ ଯାଉଛନ୍ତି । ଇଣ୍ଡିଆନ ଆଇଡଲ ଟପ ୧୪ରେ ସ୍ଥାନ ପକ୍କା କରିଥିବା ଓଡିଆ ପୁଅ ବିଶ୍ୱଜିତ ମହାପାତ୍ର ହେଉଛନ୍ତି କଳାହାଣ୍ଡି ଜିଲ୍ଲାର । ନିଜ ସ୍ୱରର ଯାଦୁରେ ଅଗଣିତ ଦର୍ଶକ ଓ ବିଚାରପତିଙ୍କ ହୃଦୟକୁ ଜଣିଥିବା ଓଡିଆ ପୁଅ ବିଶ୍ୱଜିତ ଇଣ୍ଡିଆନ ଆଇଡଲରେ ସବୁ ପ୍ରକାରର ଗୀତ ଗାଇ ଗୋଟେ ପରେ ଗୋଟେ ସଫଳତା ହାସଲ କରିବାରେ ଲାଗିଛନ୍ତି ।
ବହୁ ଶ୍ରେଷ୍ଠ ପ୍ରତିଯୋଗୀଙ୍କୁ ପଛରେ ପକାଇ ସେ ବର୍ତ୍ତମାନ ଟପ ୧୪ରୁ ଖସି ଟପ ୧୦ରେ ଆସିକି ପହଞ୍ଚିଲେଣି । ଇଣ୍ଡିଆନ ଆଇଡଲ ହେଉଛି ଦେଶର ସବୁଠାରୁ ଲୋକପ୍ରିୟ ସଙ୍ଗୀତ ରିୟାଲିଟି ସୋ । ସାରା ଦେଶର କଣ୍ଠଶିଳ୍ପୀ ନିଜ ସଙ୍ଗୀତର ଜଲୱା ଦେଖାଇବା ପାଇଁ ଏହି ମଞ୍ଚରେ ଆସିକି ପହଞ୍ଚିଥାନ୍ତି । ତେଣୁ ଇଣ୍ଡିଆନ ଆଇଡଲ ସିଙ୍ଗିଙ୍ଗ ରିୟାଲିଟି ସୋରେ ବିଶ୍ୱଜିତଙ୍କ ସଫଳତା ଓଡିଶା ପାଇଁ ଏକ ଗର୍ବ ଏବଂ ଗୌରବର ବିଷୟ ନିଶ୍ଚୟ ।
Prev Post
Comments are closed.