୨୦୨୩ ନଭେମ୍ବର ୧୪ ରେ ଭାରତରେ ଶିଶୁ ଦିବସ ପାଳନ କରାଯାଉଛି । ଏହି ନିର୍ଦ୍ଦିଷ୍ଟ ଦିନରେ ଲୋକମାନେ ପଣ୍ଡିତ ଜବାହରଲାଲ ନେହେରୁଙ୍କ ଜୟନ୍ତୀ ପାଳନ କରନ୍ତି । ଭାରତର ଅନ୍ୟତମ ମହାନ ନେତା ତଥା ପ୍ରଥମ ପ୍ରଧାନମନ୍ତ୍ରୀଙ୍କୁ ଲୋକମାନେ ଏହି ଦିବସ ପାଳନ କରି ଶ୍ରଦ୍ଧାଞ୍ଜଳି ଅର୍ପଣ କରିଥାନ୍ତି । ଶିଶୁ ଦିବସକୁ ବାଲ ଦିବସ ବୋଲି କୁହାଯାଏ ।
ଭାରତର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ ନେହେରୁ ୧୮୮୯ ମସିହା ନଭେମ୍ବର ୧୪ ତାରିଖରେ ଜନ୍ମଗ୍ରହଣ କରିଥିଲେ । ସେ ଗୋଲାପ ଫୁଲକୁ ବହୁତ ଭଲ ପାଉଥିଲେ ଏବଂ ସେ ପିଲାମାନଙ୍କୁ ବହୁତ ଭଲ ପାଉଥିଲେ । ଜବାହର ଲାଲ ନେହେରୁ ସର୍ବଦା ବିଶ୍ୱାସ କରୁଥିଲେ ଯେ ପିଲାମାନେ ହିଁ ଏହି ଦେଶର ଭବିଷ୍ୟତ ଏବଂ ଯଦି ସେମାନଙ୍କ ସହିତ ଭଲ ବ୍ୟବହାର କରାଯାଏ ଏବଂ ଶିକ୍ଷିତ କରାଯାଏ ତେବେ ସେମାନେ ଚମତ୍କାର ସୃଷ୍ଟି କରିପାରିବେ ।
ତାଙ୍କର ଦୃଢ଼ ଦୃଷ୍ଟିକୋଣ ହିଁ ଭାରତର ସମସ୍ତ ବୟସ, ଲିଙ୍ଗ ଏବଂ ରାଜ୍ୟର ପିଲାମାନଙ୍କୁ ଅଧିକ ଶିକ୍ଷା ଏବଂ ରହିବା ର ସୁବିଧା ମଧ୍ୟ ପ୍ରଦାନ କରିଥିଲା । ନିଜର ଏକ ପ୍ରସିଦ୍ଧ ଭାଷଣରେ ସେ କହିଥିଲେ, ଆଜିର ପିଲାମାନେ ଆସନ୍ତାକାଲିର ଭାରତ ହେବେ। ସେମାନଙ୍କୁ ଆମେ ଯେଉଁଭଳି ଭାବେ ବଡ଼ କରିବୁ ତାହା ହିଁ ଦେଶର ଭବିଷ୍ୟତ ନିର୍ଦ୍ଧାରଣ କରିବ।
୧୯୬୪ମସିହାରେ ଜବାହରଲାଲ ନେହେରୁଙ୍କ ଦେହାନ୍ତ ପରେ ତାଙ୍କୁ ସମ୍ମାନିତ କରିବା ପାଇଁ ସଂସଦରେ ଏକ ସଂକଳ୍ପ ପାରିତ ହୋଇ ତାଙ୍କ ଜୟନ୍ତୀକୁ ଶିଶୁ ଦିବସର ସରକାରୀ ତାରିଖ ଭାବେ ଘୋଷଣା କରାଯାଇଥିଲା। ଏହା ପୂର୍ବରୁ ୧୯୫୪ ମସିହାରେ ଜାତିସଂଘ ଏହି ଦିନକୁ ସାର୍ବଜନୀନ ଶିଶୁ ଦିବସ ଭାବେ ଘୋଷଣା କରିଥିବାରୁ ଭାରତ ନଭେମ୍ବର ୨୦ ତାରିଖକୁ ଶିଶୁ ଦିବସ ଭାବେ ପାଳନ କରୁଥିଲା। ଏହାପରେ ପଣ୍ଡିତ ଜବାହରଲାଲ ନେହେରୁଙ୍କ ଜୟନ୍ତୀକୁ ସ୍ମରଣ କରି ଭାରତରେ ଶିଶୁ ଦିବସ ପାଳନ କରାଯାଏ ।
ଜବାହରଲାଲ ନେହେରୁଙ୍କ ବିଷୟରେ ୧୦ଟି ରୋଚକ ତଥ୍ୟ
୧. ଜବାହରଲାଲ ନେହେରୁଙ୍କ ପିଲାଦିନ ଆନନ୍ଦ ଭବନରେ ବିତିଥିଲା । ଆନନ୍ଦ ଭବନର ପୂର୍ବ ନାମ ସ୍ୱରାଜ ଭବନ ଥିଲା ଯାହାତାଙ୍କ ପିତା ମୋତିଲାଲ ନେହେରୁ ୧୯୩୦ ମସିହାରେ ନିର୍ମାଣ କରିଥିଲେ । ପରେ ୧୯୭୦ ମସିହାରେ ଇନ୍ଦିରା ଗାନ୍ଧୀ ଏହାକୁ ସଂଗ୍ରହାଳୟ ଏବଂ ନେହେରୁ ପ୍ଲାନେଟୋରିୟମରେ ପରିଣତ କରିଥିଲେ ।
୨.ଜବାହରଲାଲ ନେହେରୁ କଶ୍ମୀର ପଣ୍ଡିତ ସମ୍ପ୍ରଦାୟର ହୋଇଥିବାରୁ ତାଙ୍କୁ ପଣ୍ଡିତ ନେହେରୁ ବୋଲି ମଧ୍ୟ କୁହାଯାଏ ।
୩.ମୋତିଲାଲ ନେହେରୁ ଚାହୁଁଥିଲେ ତାଙ୍କ ପୁଅ ଜବାହରଲାଲ ନିଜ ସ୍ୱରାଜ ପାର୍ଟିରେ ଯୋଗ ଦିଅନ୍ତୁ ଏବଂ କଂଗ୍ରେସ ଛାଡି ଦିଅନ୍ତୁ । କିନ୍ତୁ ଜବାହରଲାଲ ତାଙ୍କ ପିତାଙ୍କ ଇଚ୍ଛା ବିରୁଦ୍ଧରେ କଂଗ୍ରେସ ପ୍ରତି ବିଶ୍ୱସ୍ତ ରହି ଗାନ୍ଧୀଜୀଙ୍କ ସହ ରହିବାକୁ ପସନ୍ଦ କରିଥିଲେ ।
୪.୧୯୦୭ ମସିହାରେ ସେ କେମ୍ବ୍ରିଜର ଟ୍ରିନିଟି କଲେଜକୁ ଯାଇ ୧୯୧୦ ମସିହାରେ ଅନର୍ସ ଡିଗ୍ରୀ ରେ ସ୍ନାତକ ହାସଲ କରିଥିଲେ ।
୫. ଭାରତ ଛାଡ଼ ଆନ୍ଦୋଳନରେ ଅଂଶଗ୍ରହଣ କରିବା ପାଇଁ ୧୯୪୨ରୁ ୧୯୪୬ ମସିହା ପର୍ଯ୍ୟନ୍ତ ଅହମ୍ମଦନଗରରେ ଜେଲ ରେ ରହିବା ସମୟରେ ସେ “ଡିସ୍କଭରୀ ଅଫ୍ ଇଣ୍ଡିଆ” ପୁସ୍ତକ ଲେଖିଥିଲେ ।
୬. ବାସ୍ତବରେ ଜବାହରଲାଲ ନେହେରୁ ହିଁ ପ୍ରଥମେ ୧୯୨୭ ମସିହାରେ ସମ୍ପୂର୍ଣ୍ଣ ଜାତୀୟ ସ୍ୱାଧୀନତାର ଧାରଣା ଦେଇଥିଲେ ଏବଂ ଆଇସିଏସ (ଇଣ୍ଡିଆନ ସିଭିଲ ସର୍ଭିସ) ସମେତ ବ୍ରିଟିଶ ସାମ୍ରାଜ୍ୟରୁ ଭାରତୀୟମାନଙ୍କୁ ବାନ୍ଧି ରଖିଥିବା ସମସ୍ତ ସମ୍ପର୍କରୁ ଦୂରେଇ ରହିଥିଲେ ।
୭. ସେ ୧୫ ଅଗଷ୍ଟ ୧୯୪୭ରେ ପ୍ରଧାନମନ୍ତ୍ରୀ ପଦର ଦାୟିତ୍ୱ ଗ୍ରହଣ କରିଥିଲେ ଏବଂ ପ୍ରସିଦ୍ଧ ଭାଷଣ “ଟ୍ରିଷ୍ଟ ୱିଥ ଡେଷ୍ଟିନି” ଦେଇଥିଲେ ।
୮. ନେହେରୁଙ୍କୁ ଆଧୁନିକ ଭାରତର ସ୍ଥାପକ ବୋଲି କୁହାଯାଏ ।
୯.ଜବାହରଲାଲ ନେହରୁଙ୍କ ଦିଲ୍ଲୀସ୍ଥିତ ବାସଭବନ ‘ତିନି ମୂର୍ତ୍ତି ଭବନ’କୁ ‘ନେହେରୁ ମେମୋରିଆଲ ମ୍ୟୁଜିୟମ୍ ଆଣ୍ଡ୍ ଲାଇବ୍ରେରୀ’ରେ ପରିଣତ କରାଯାଇଥିଲା। ମୁମ୍ବାଇ, ଦିଲ୍ଲୀ, ବାଙ୍ଗାଲୋର, ଆହ୍ଲାବାଦ ଓ ପୁଣେରେ ୫ଟି ନେହେରୁ ପ୍ଲାନେଟୋରିୟମ ସ୍ଥାପନ କରାଯାଇଥିଲା।
୧୦.ଜବାହର ଲାଲ ନେହେରୁଙ୍କ ଦ୍ୱାରା ଲିଖିତ ପ୍ରସିଦ୍ଧ ପୁସ୍ତକ -:
– The Discovery of India
-Glimpses of World History
-The Bunch of Old Letters
– Letter from a Father to his Daughter
Comments are closed.