କ୍ରିକେଟ ଖେଳିବା ପାଇଁ ‘ରାଇଡୁ’ଙ୍କୁ ମିଳିଲା ଅନ୍ୟଦେଶର ନାଗରିକତାର ଅଫର

ଚଳିତ ବିଶ୍ୱକପରେ ଇଣ୍ଡିଆ ଟିମ ପାଇଁ ଚୟନ ହୋଇନଥିବା ମଧ୍ୟମକ୍ରମର ବ୍ୟାଟ୍ସମ୍ୟାନ ‘ଅମ୍ବାତି ରାଇଡୁ’ ବର୍ତ୍ତମାନ ପୁଣି ଥରେ ଚର୍ଚ୍ଚାର ପରିସରକୁ ଆସିଛନ୍ତି । ବର୍ତ୍ତମାନ ରାଇଡୁ ତାଙ୍କର ମନ୍ତବ୍ୟ କିମ୍ବା ବିଶ୍ୱକପରେ ଚୟନ ପ୍ରକ୍ରିୟାକୁ ନେଇ ଚର୍ଚ୍ଚାର ପରିସରକୁ ଆସି ନାହନ୍ତି ବରଂ ଅନ୍ୟ ଦେଶ ତରଫରୁ ଆନ୍ତର୍ଜାତିକ କ୍ରିକେଟ ଖେଳିବା ପାଇଁ ଆସିଥିବା ଅଫରକୁ ନେଇ ସେ ଚର୍ଚ୍ଚାର ପରିସରକୁ ଆସିଛନ୍ତି । ଆଜ୍ଞା ହଁ ଏହା ସତ୍ୟ ଅଟେ, ରାଇଡୁଙ୍କୁ ‘ଆଇସଲାଣ୍ଡ କ୍ରିକେଟ’, ନିଜ ଦେଶ ତରଫରୁ କ୍ରିକେଟ ଖେଳିବା ପାଇଁ ନାଗରିକତାର ଅଫର ପ୍ରଦାନ କରିଛି ।
ରାଇଡୁଙ୍କୁ ଅଫରର ପ୍ରଦାନ ସ୍ୱରୂପ ‘ଆଇସଲାଣ୍ଡ କ୍ରିକେଟ’ ନିଜ ଟ୍ୱିଟର ଆକାଉଣ୍ଟରେ ଏହି ସଂପର୍କରେ ନାଗରିକତ୍ୱ ଗ୍ରହଣ କରିବାର ସଂପୂର୍ଣ୍ଣ ନିୟମାବଳୀର ସବିଶେଷ ତଥ୍ୟ ମଧ୍ୟ ପ୍ରଦାନ କରିଛି । ବର୍ତ୍ତମାନ ପର୍ଯ୍ୟନ୍ତ ‘ଆଇସଲାଣ୍ଡ କ୍ରିକେଟ’ କେତେ ଗମ୍ଭୀରତାର ସହ ଏହି ଟୁଇଟ କରିଛି ତାହା ସ୍ପଷ୍ଟ ହୋଇନଥିବାବେଳେ ଏହାକୁ ନେଇ ଭାରତୀୟ କ୍ରିକେଟପ୍ରେମୀ ‘ଆଇସଲାଣ୍ଡ କ୍ରିକେଟ’କୁ ସମାଲୋଚନା ମଧ୍ୟ କରିଛନ୍ତି ।

Agarwal has three professional wickets at 72.33 so at least @RayuduAmbati can put away his 3D glasses now. He will only need normal glasses to read the document we have prepared for him. Come join us Ambati. We love the Rayudu things. #BANvIND #INDvBAN #CWC19 pic.twitter.com/L6XAefKWHw

— Iceland Cricket (@icelandcricket) July 1, 2019

‘ଆଇସଲାଣ୍ଡ କ୍ରିକେଟ’ର ଟ୍ୱିଟର ପୋଷ୍ଟରେ ଏହା ଲେଖାଯାଇଛି ଯେ, “ଅଗ୍ରାୱାଲା, ପେଶାଦାର କ୍ରିକେଟର ହିସାବରେ ତାଙ୍କ ପାଖରେ ୭୨.୩୩ ହାରରେ ୩ଟି ୱିକେଟ ଥିବାବେଳେ ରାଇଡୁ ନିଜର ୩ଡି ଗ୍ଲାସ ଓହ୍ଲାଇ ପାରନ୍ତି । ରାଇଡୁ ପାଇଁ ଆମେ ସମସ୍ତ ଦସ୍ତାବିଜ ପ୍ରସ୍ତୁତ କରି ରଖିଛୁ ଏବଂ ଏହାକୁ ପଢିବା ପାଇଁ ତାଙ୍କୁ ସାଧାରଣ ଗ୍ଲାସର ଆବଶ୍ୟକତା ପଡିବ । ରାଉଡୁ ଆମ ସହ ଆସି ଯୋଗ ଦିଅନ୍ତୁ । ଆମେ ରାଉଡୁଙ୍କ ସହ ଯୋଡି ହୋଇଥିବା ସମସ୍ତ ଜିନିଷ ପସନ୍ଦ କରୁଛୁ । ”
ପ୍ରକାଶ ଥାଉକି, ୨୦୧୯ ବିଶ୍ୱକପ ପାଇଁ ରାଇଡୁଙ୍କୁ ଦଳରେ ସାମିଲ କରାଯାଇନଥିବା ହେତୁ ସେ ପୂର୍ବରୁ ନିଜର ବିଷଧଗାର ଜାହିର ମଧ୍ୟ କରିସାରିଥିଲେ ।