ପୂର୍ବ ଲଦାଖରେ ସୀମା ଉପରେ ଚୀନ ସୈନିକଙ୍କ ଧୋକା ପରଠାରୁ ଭାରତ ଏବେ ଚୀନକୁ ପ୍ରତ୍ୟେକ ଉପାୟରେ କଡ଼ା ଯବାବ ଦେଖା ପାଇଁ ପ୍ରସ୍ତୁତିରେ ଲାଗିପଡ଼ିଛି । ସୈନ୍ୟ ଏବଂ କୂଟନୀତି ସହିତ ଭାରତ ଆର୍ଥିକ ରୂପେ ମଧ୍ୟ ଚୀନକୁ କଡ଼ା ଜବାବ ଦେବା ପାଇଁ ଅଂଟା ଭିଡୁଛି ।
ସୂତ୍ରରୁ ମିଳିଥିବା ସୂଚନା ଅନୁଯାୟୀ ସରକାର ଉଦ୍ୟୋଗୁଡ଼ିକ ଠାରୁ ବିଦେଶରୁ ବିଶେଷ କରି ଚୀନରୁ ଆସୁଥିବା ସାମଗ୍ରୀଗୁଡ଼ିକ ବିଷୟରେ ବିସ୍ତୃତ ବିବରଣୀ ମାଗିଛନ୍ତି । ଏହାଣ ଉଦ୍ଦେଶ୍ୟ ହେଉଛି ଚୀନରୁ ଆସୁଥିବା ସମାଗ୍ରୀଗୁଡ଼ିକର ଆମଦାନୀକୁ ରୋକିବା ଏବଂ ଘରୋଇ ବିନିର୍ମାଣକୁ ପୋତ୍ସାହିତ କରିବା ।
ଆତ୍ମନିର୍ଭରଶୀଳ ଭାରତକୁ ପ୍ରୋତ୍ସାହିତ କରିବା ପାଇଁ ଭାରତ ସରକାର ଏବେ ଚୀନ ଉପରୁ ନିର୍ଭରଶୀଳତାକୁ କମାଇବାର ପ୍ରୟାସ କରୁଛନ୍ତି । ସୂତ୍ର ଅନୁଯାୟୀ ନୀକଟରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ଏହାକୁ ନେଇ ଏକ ଉଚ୍ଚସ୍ତରୀୟ ବୈଠକ ମଧ୍ୟ କରାଯାଇଛି ।
ଉଦ୍ୟୋଗଗୁଡ଼ିକୁ ଚୀନରୁ ଆସୁଥିବା କିଛି ସାମଗ୍ରୀ ଏବଂ କଂଚାମାଲ ବିଷୟରେ ସୂଚନା ଦେବାପାଇଁ କୁହାଯାଇଥିଲା । ସୂତ୍ର ଅନୁଯାୟୀ ଏହି ସାମଗ୍ରୀ ଗୁଡ଼ିକରେ ହାତଘଂଟା, କାନ୍ଥଘଂଟା, ଗ୍ଲାସ, ରଡ୍ସ ଓ ଟ୍ୟୁବ୍ସ, ହେୟର କ୍ରିମ, ହେୟର ଶାମ୍ପୁ, ଫେସ ପାଉଡର, ଆଇ ଆଣ୍ଡ ଲିପ ମେକଅପ, ପ୍ରିଟିଙ୍ଗ ହଂକ, ପେଂଟ୍ସ ୱାର୍ଣ୍ଣିସ ତଥା ତମ୍ବାଖୁର କିଛି ଉତ୍ପାଦ ସାମିଲ ଥିଲା । ଏପ୍ରିଲ ୨୦୧୯ରୁ ଫେବୃଆରୀ ୨୦୨୦ ମଧ୍ୟରେ ଭାରତ ଚୀନଠାରୁ ୬୨.୪ ଅରବ ଡଲାରର ଆମଦାନୀ କରିଥିଲା, ଯେବେକି ଏହି ସମୟରେ ଚୀନକୁ ଭାରତର ରପ୍ତାନୀ କେବଳ ୧୫.୫ ଅରବ ଡଲାର ଥିଲା ।
ମଗାଯାଇଥିବା ଅନ୍ୟାନ୍ୟ ବିବରଣୀଗୁଡ଼ିକରେ ୨୦୧୪-୧୫ ଏବଂ ୨୦୧୮-୧୯ ମଧ୍ୟରେ ଆମଦାନୀ ବୃଦ୍ଧି ସଂଖ୍ୟା, ଘରୋଇ ସାମଗ୍ରୀଗୁଡ଼ିକର ଘରୋଇ ମୂଲ୍ୟ ଯାହାକି ଏଠାରେ ପ୍ରସ୍ତୁତ କରାଯାଇଛି, ଘରୋଇ ତମ୍ବାଖୁ, ମୁକ୍ତ ବ୍ୟବସାୟ ବୁଝାମଣା ଅନୁଯାୟୀ ଆମଦାନୀ ଆଦି ପ୍ରସଙ୍ଗ ସାମିଲ ଥିଲା । ଭାରତ ଅନେକ ଥର ଚୀନ ସହିତ ବ୍ୟବସାୟୀକ କ୍ଷତିକୁ ନେଇ ଚିନ୍ତା ଜାହିର କରିସାରିଛି । ଏପ୍ରିଲ-ଫେବୃଆରୀ ସମୟରେ ଏହା ପାଖାପାଖି ୪୭ ଅରବ ଡଲାର ରହିଥିଲା ।
Comments are closed.