ଭାରତୀୟ ଦଳର କୋଚ ହେବା ଅଫରକୁ ନେଇ ପ୍ରତିକ୍ରିୟା ରଖିଲେ ଗମ୍ଭୀର

ଭାରତୀୟ ଦଳର ପରବର୍ତ୍ତୀ ମୁଖ୍ୟ କୋଚ୍ କିଏ ହେବେ, ଏହା ବର୍ତ୍ତମାନ ଲକ୍ଷ ଲକ୍ଷ ଭାରତୀୟ ପ୍ରଶଂସକଙ୍କ ପ୍ରଶ୍ନ। ଅନେକ ରିପୋର୍ଟ ଦାବି କରୁଥିଲା ଯେ ଭାରତୀୟ ଦଳର ପୂର୍ବତନ ଭେଟେରାନ କ୍ରିକେଟର ଗୌତମ ଗମ୍ଭୀର (Gautam Gambhir) ପରବର୍ତ୍ତୀ ମୁଖ୍ୟ ପ୍ରଶିକ୍ଷକ ହେବେ। ଖବର ଆସୁଥିଲା ଯେ ବିସିସିଆଇ ଗମ୍ଭୀରଙ୍କ ସମସ୍ତ ସର୍ତ୍ତ ମାନି ନେଇଛି ଓ ସେ ପରବର୍ତ୍ତୀ ମୁଖ୍ୟ କୋଚ୍ ହେବାକୁ ଯାଉଛନ୍ତି। କିନ୍ତୁ ଅଦ୍ୟାବଧି ଗମ୍ଭୀର ଏହା ଉପରେ କିଛି କହି ନାହାଁନ୍ତି କିମ୍ବା ବିସିସିଆଇରୁ କୌଣସି ଅଧିକାରୀକ ସୂଚନା ଗ୍ରହଣ କରାଯାଇ ନାହିଁ। କିନ୍ତୁ ବର୍ତ୍ତମାନ ପ୍ରଥମ ଥର ପାଇଁ ଟିମ୍ ଇଣ୍ଡିଆର (Team India) ମୁଖ୍ୟ କୋଚ୍ ହେବାକୁ ନେଇ ଗମ୍ଭୀର ବୟାନ ଦେଇଛନ୍ତି। ଆସନ୍ତୁ ଜାଣିବା ଗମ୍ଭୀର କୋଚ୍ ହେବାକୁ ନେଇ କ’ଣ କହିଛନ୍ତି।

କୋଲକାତା ନାଇଟ୍ ରାଇଡର୍ସ ମେଣ୍ଟର ଗୌତମ ଗମ୍ଭୀରଙ୍କୁ ନେଇ ଅନେକ ଦିନ ଧରି କଳ୍ପନା ଜଳ୍ପନା ଚାଲିଆସିଛି ଯେ ସେ ଭାରତୀୟ ଦଳର ପରବର୍ତ୍ତୀ ମୁଖ୍ୟ କୋଚ୍ ହେବେ। ବର୍ତ୍ତମାନ ଗମ୍ଭୀରଙ୍କ ବୟାନ ମଧ୍ୟ ସାମ୍ନାକୁ ଆସିଛି। ଯେତେବେଳେ ଜଣେ ପିଲା ଗମ୍ଭୀରଙ୍କୁ ଏକ ପ୍ରଶ୍ନ ପଚାରିଥିଲେ ଯେ, ଆପଣ ଟିମ୍ ଇଣ୍ଡିଆର ପରବର୍ତ୍ତୀ ମୁଖ୍ୟ କୋଚ୍ ହେବାକୁ ଚାହୁଁଛନ୍ତି ଓ ଭାରତୀୟ ଦଳକୁ ବିଶ୍ୱକପ୍ ଜିତିବା ପାଇଁ ଆପଣ କ’ଣ କରିବେ? ଏହା ଉପରେ ଗମ୍ଭୀର କହିଛନ୍ତି ଯେ ଯଦି ଜଣେ ଭାରତୀୟ ଦଳର ମୁଖ୍ୟ କୋଚ୍ ହେବାର ସୁଯୋଗ ପାଆନ୍ତି, ତା’ଠାରୁ ବଡ଼ ସମ୍ମାନ ଆଉ କିଛି ନ ହୋଇପାରେ। ଭାରତୀୟ ଦଳର ମୁଖ୍ୟ କୋଚ୍ ହେବାର ଅର୍ଥ ହେଉଛି ୧୪୦ କୋଟି ଭାରତୀୟଙ୍କୁ ପ୍ରତିନିଧିତ୍ୱ କରିବା, ଯାହା ଏକ ବଡ଼ କଥା। ଏଥିରୁ ଏହା ସ୍ପଷ୍ଟ ହୋଇଛି ଯେ ଗମ୍ଭୀର ଭାରତୀୟ ଦଳର ପରବର୍ତ୍ତୀ ମୁଖ୍ୟ କୋଚ୍ ହେବାକୁ ପ୍ରସ୍ତୁତ ଅଛନ୍ତି। କହିରଖୁଛୁ ଯେ ଗମ୍ଭୀର ବ୍ୟତୀତ ଅନେକ ଭେଟେରାନ କ୍ରିକେଟରଙ୍କ ବିଷୟରେ ଆଲୋଚନା ହୋଇଥିଲା ଯେ ସେମାନେ ଭାରତୀୟ ଦଳର ପରବର୍ତ୍ତୀ ମୁଖ୍ୟ ପ୍ରଶିକ୍ଷକ ହୋଇପାରନ୍ତି, କିନ୍ତୁ ଗୋଟିଏ ପରେ ଗୋଟିଏ ବହୁ ଭେଟେରାନ ଏହି ଦାୟିତ୍ୱ ଗ୍ରହଣ କରିବାକୁ ମନା କରିଦେଲେ। ଅଷ୍ଟ୍ରେଲିଆର ଭେଟେରାନ୍ କ୍ରିକେଟର ରିକି ପଣ୍ଟିଂ ହେଉ କିମ୍ବା ଜଷ୍ଟିନ ଲେଙ୍ଗର ହୁଅନ୍ତୁ, ଶ୍ରୀଲଙ୍କା ଭେଟେରାନ କ୍ରିକେଟର କୁମାର ସାଙ୍ଗାକାରା ମଧ୍ୟ ମୁଖ୍ୟ କୋଚ୍ ହେବାକୁ ମନା କରି ଦେଇଛନ୍ତି। ଏଭଳି ପରିସ୍ଥିତିରେ ବିସିସିଆଇ ଓ ଭାରତୀୟ ଦଳ ପାଇଁ ଟେନସନ ବଢ଼ିବାରେ ଲାଗିଥିଲା। ଆଇସିସି ଟି-୨୦ ବିଶ୍ୱକପ ୨୦୨୪ ସହିତ ଭାରତୀୟ ଦଳର ବର୍ତ୍ତମାନର ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡଙ୍କ କାର୍ଯ୍ୟକାଳ ଶେଷ ହେବ। ଏଭଳି ପରିସ୍ଥିତିରେ ଯଦି ଗମ୍ଭୀର ମୁଖ୍ୟ କୋଚ୍ ହୁଅନ୍ତି, ତେବେ ସେ ୧ ଜୁଲାଇରୁ ଏହି ଦାୟିତ୍ୱ ଗ୍ରହଣ କରିବେ।