ଭୁବନେଶ୍ୱର : ୱାର୍ଲ୍ଡ ଗୋଲ୍ଡ କାଉନ୍ସିଲର ସଦ୍ୟ ପ୍ରକାଶିତ କ୍ୟୁ୧ ୨୦୨୪ ଗୋଲ୍ଡ ଡିମାଣ୍ଡ ଟ୍ରେଣ୍ଡ୍ସ ରିପୋର୍ଟ ଅନୁଯାୟୀ ବିଶ୍ୱର ମୋଟ ସୁନା ଚାହିଦା ବାର୍ଷିକ ୩% ହାରରେ ବୃଦ୍ଧି ହୋଇ ୧୨୩୮ ଟନ୍ରେ ପହଂଚିଛି ଯାହା ୨୦୧୬ ପରଠାରୁ ସବୁଠାରୁ ଭଲ ସ୍ଥିତିରେ ରହିଛି । ଓଟିସିକୁ ବାଦ୍ ଦେଲେ ଚାହିଦା ୨୦୨୩ର ସମାନ ଅବଧି ତୁଳନାରେ ୨୦୨୪ର ପ୍ରଥମ ତ୍ରୈମାସିକରେ ୫% ହ୍ରାସ ହୋଇ ୧୧୦୨ ଟନ୍ ରହିଛି । ଓଟିସି ବଜାରରୁ ଉତମ ନିବେଶ, କେନ୍ଦ୍ରୀୟ ବ୍ୟାଙ୍କର ନିରନ୍ତର କ୍ରୟ ଓ ଏସିଆର ଗ୍ରାହକଙ୍କଠାରୁ ଉଚ୍ଚ ଚାହିଦା ସୁନା ମୂଲ୍ୟକୁ ତ୍ରୈମାସିକ ଆଧାରରେ ହାରାହାରି ୨୦୭୦ / ଓଜେଡ୍ରେ ପହଂଚାଇବାରେ ସାହାଯ୍ୟ କରିଛି ଯାହା ବାର୍ଷିକ ଆଧାରରେ ୧୦% ଅଧିକ ଓ ତ୍ରୈମାସିକ ଆଧାରରେ ୫% ଅଧିକ ଅଟେ । କେନ୍ଦ୍ରୀୟ ବ୍ୟାଙ୍କଗୁଡିକ ସୁନା କିଣିବା ଜାରି ରଖିଛନ୍ତି, ଯାହା ଏହି ତ୍ରୈମାସିକରେ ଅଫିସିଆଲ ଗ୍ଲୋବାଲ ହୋଲ୍ଡିଂରେ ୨୯୦ ଟନ୍ ବୃଦ୍ଧି କରିଛି । ବଜାର ଅସ୍ଥିରତା ଓ ବଢୁଥିବା ବିପଦ ମଧ୍ୟରେ ସରକାରୀ କ୍ଷେତ୍ରଗୁଡିକ ଦ୍ୱାରା କ୍ରମାଗତ ଓ ଅଧିକ କ୍ରୟ ଇଂଟରନ୍ୟାଶନାଲ ରିଜର୍ଭ ପୋର୍ଟଫୋଲିଓରେ ସୁନାର ମହତ୍ୱକୁ ଆଲୋକପାତ କରୁଛି ।
ନିବେଶ ଚାହିଦା ଦୃଷ୍ଟିରୁ ବାର୍ ଓ କଏନ ନିବେଶ ବାର୍ଷିକ ଆଧାରରେ ୩% ବୃଦ୍ଧି ପାଇଛି, ଯାହାକି ୨୦୨୩ର ୪ର୍ଥ ତ୍ରୈମାସିକରୁ ୩୧୨ ଟନ୍ରେ ସ୍ଥିର ରହିଛି । ରେକର୍ଡ ଉଚ୍ଚ ଦର ସତ୍ୱେ ସୁନା ଅଳଙ୍କାର ଚାହିଦା ସ୍ଥିର ରହିଛି, ଏହା ବାର୍ଷିକ ଆଧାରରେ କେବଳ ୨% ହ୍ରାସ ହୋଇଛି । ଏସିଆ ତୁଳନାରେ ଉଭୟ ୟୁରୋପ ଓ ଉତର ଆମେରିକାରେ ସୁନା ଚାହିଦା ହ୍ରାସ ପାଇଛି । ୨୦୨୪ର ୧ମ ତ୍ରୈମାସିକରେ ଭାରତରେ ଗୋଲ୍ଡ ବାର ଓ କଏନ୍ର ଚାହିଦାରେ ମଧ୍ୟ ସୁସ୍ଥ ବୃଦ୍ଧି ପରିଲକ୍ଷିତ ହୋଇଥିଲା, ଯାହା ୪୧ ଟନ୍ରେ ବାର୍ଷିକ ଆଧାରରେ ୧୯% ବୃଦ୍ଧି ହୋଇଛି । ସୁନା ଇଟିଏଫ୍ରେ ମଧ୍ୟ ୨ ଟନରୁ ଅଧିକ ନିବେଶ ଦେଖିବାକୁ ମିଳିଥିଲା । ଭାରତୀୟ ରିଜର୍ଭ ବ୍ୟାଙ୍କ ୧ମ ତ୍ରୈମାସିକ ସମୟରେ ଏହାର ସୁନା ଭଣ୍ଡାରରେ ୧୯ ଟନ୍ ବୃଦ୍ଧି କରିଥିଲା, ଯାହା ଗତ ବର୍ଷର ବାର୍ଷିକ ୧୬ ଟନ୍ର ଶୁଦ୍ଧ କ୍ରୟକୁ ଅତିକ୍ରମ କରିଛି । ଯୋଗାଣ କ୍ଷେତ୍ରରେ ଖଣି ଉତ୍ପାଦନ ପ୍ରଥମ ତ୍ରୈମାସିକରେ ବାର୍ଷିକ ଆଧାରରେ ୪% ବୃଦ୍ଧି ହୋଇ ୮୯୩ ଟନ୍ ରହିଛି । ରିସାଇକ୍ଲିଙ୍ଗ ମଧ୍ୟ ୨୦୨୦ର ୩ୟ ତ୍ରୈମାସିକ ପରଠାରୁ ସର୍ବୋଚ୍ଚ ସ୍ତରରେ ପହଂଚିଛି, ଯାହା ବାର୍ଷିକ ଆଧାରରେ ୧୨% ବୃଦ୍ଧି ସହ ୩୫୧ ଟନ୍ ରହିଛି ।
ୱାର୍ଲ୍ଡ ଗୋଲ୍ଡ କାଉନ୍ସିଲର ବରିଷ୍ଠ ବଜାର ବିଶ୍ଳେଷଣ ଲୁଇସି ଷ୍ଟ୍ରିଟ୍ କହିଛନ୍ତି, “ଏକ ଶକ୍ତିଶାଳୀ ୟୁଏସ୍ ଡଲାର ଓ ସୁଧହାରର ପାରମ୍ପରିକ ପ୍ରତିକୂଳ ପରିସ୍ଥିତି ସତ୍ୱେ ମାର୍ଚ୍ଚ ପରଠାରୁ ସୁନା ମୂଲ୍ୟ ସର୍ବୋଚ୍ଚ ସ୍ତ୍ରରକୁ ବୃଦ୍ଧି ପାଇଛି ଯାହା ‘ ଦୀର୍ଘ ସମୟ ପାଇଁ ଉଚ୍ଚ ସ୍ତରରେ’ ରହିବ ବୋଲି ପ୍ରମାଣିତ ହୋଇଛି । ସଦ୍ୟତମ ବୃଦ୍ଧି ପଛରେ ଅନେକ କାରକ ରହିଛି ଯେଉଁଥିରେ ଭୂରାଜନୈତିକ ବିପଦର ପ୍ରତିକୂଳ ସ୍ଥିତି ଓ ଜାରି ରହିଥିବା ମାଇକ୍ରୋଇକୋନୋମିକ ଅନିଶ୍ଚିତତା ଆଦି ସାମିଲ ରହିଛି ଯାହା ସୁନା ପାଇଁ ସୁରକ୍ଷିତ ଚାହିଦାକୁ ପରିଚାଳନା କରୁଛି । କେନ୍ଦ୍ରୀୟ ବ୍ୟାଙ୍କଗୁଡିକରୁ ନିରନ୍ତର ଓ ମଜବୁତ ଚାହିଦା, ଦୃଢ ଓଟିସି ନିବେଶ ଓ ମୂଳ ବଜାରଗୁଡିକରେ ଶୁଦ୍ଧ କ୍ରୟରେ ବୃଦ୍ଧି ଆଦି ସୁନାର ଉଚ୍ଚ ଦରରେ ଯୋଗଦାନ ଦେଇଛନ୍ତି ।
ୱାର୍ଲ୍ଡ ଗୋଲ୍ଡ କାଉନ୍ସିଲ, ଇଣ୍ଡିଆ, ରିଜିଓନାଲ ସିଇଓ ସଚିନ ଜୈନ କହିଛନ୍ତି, “୨୦୨୪ର ୧ମ ତ୍ରୈମାସିକରେ ଭାରତର ମୋଟ ସୁନା ଚାହିଦା ୨୦୨୩ର ୧ମ ତ୍ରୈମାସିକର ୧୨୬.୩ ଟନ୍ ତୁଳନାରେ ୮% ବୃଦ୍ଧି ହୋଇ ୧୩୬.୭ ଟନ୍ ରହିଥିଲା । ସୁନା ଅଳଙ୍କାର ଚାହିଦା ୯୫ ଟନ ଥିଲା ଯାହା ୨୦୨୩ର ୧ମ ତ୍ରୈମାସିକ ତୁଳନାରେ ୪% ଅଧିକ ଥିଲା । ତ୍ରୈମାସିକ ଶେଷ ହେବାରୁ ବିକ୍ରିରେ ମାନ୍ଦାବସ୍ଥା କାରଣରୁ ଗତ ମାର୍ଚ୍ଚରେ ସୁନା ଦର ରେକର୍ଡ ଉଚ୍ଚ ସ୍ତରରେ ପହଂଚିଥିଲେ ମଧ୍ୟ ଭାରତର ନିରନ୍ତର ମଜବୁତ ମାକ୍ରୋଇକୋନୋମିକ ପରିବେଶ ସୁନା ଅଳଙ୍କାର ଉପଯୋଗ ପାଇଁ ସହାୟକ ହୋଇଛି ।”
Comments are closed.