ରକ୍ଷା ଅନୁସନ୍ଧାନ ଏବଂ ବିକାଶ ସଂସ୍ଥା (DRDO) ପକ୍ଷରୁ ଅଗ୍ନି ସିରିଜର ସବୁଠାରୁ ଉନ୍ନତ କ୍ଷେପଣାସ୍ତ୍ର ଅଗ୍ନି ପ୍ରାଇମ ଆଜି ଅର୍ଥାତ ସୋମବାର ସଫଳତାର ସହ ପରୀକ୍ଷଣ କରାଯାଇଛି | ଏହି ଅତ୍ୟାଧୁନିକ କ୍ଷେପଣାସ୍ତ୍ରକୁ ୪,000 କିଲୋମିଟର ରେଞ୍ଜର ଅଗ୍ନି -୪ ଏବଂ ୫000 କିଲୋମିଟର ରେଞ୍ଜର ଅଗ୍ନି-୫ ରେ ବ୍ୟବହୃତ ଅତ୍ୟାଧୁନିକ ଜ୍ଞାନକୌଶଳକୁ ମିଶ୍ରଣ କରି ବିକଶିତ କରାଯାଇଛି। ଏହି ମିସାଇଲ ଅଗ୍ନି କ୍ଲାସ୍ର ନୂଆ ଜେନେରେସନର ଉନ୍ନତ ଧରଣର ମିସାଇଲ । ‘ଅଗ୍ନି ପ୍ରାଇମ୍’ ମିସାଇଲ ୧ ହଜାରରୁ ୨ ହଜାର କିଲୋମିଟର ଯାଏଁ ଭେଦ କରିବାର କ୍ଷମତା ରଖିଛି ।
‘ଅଗ୍ନି ପ୍ରାଇମ୍’ ଆଡଭାନସ୍ ମିସାଇଲ ବେଲିଷ୍ଟିକ୍ ନ୍ୟୁକ୍ଳିୟର ବମ୍କୁ ନେଇ ଯିବାର କ୍ଷମତା ରଖିଛି । ସୋମବାର ସକାଳ ୧ଟା ବେଳେ ବାଲେଶ୍ବରର ଚାନ୍ଦିପୁର ସ୍ଥିତ ଡକ୍ଟର ଏପିଜେ ଅବଦୁଲ କାଲାମ କ୍ଷେପଣାସ୍ତ୍ର ଘାଟିରୁ ଏହାର ପରୀକ୍ଷଣ କରାଯାଇଛି । ‘ଅଗ୍ନି ପ୍ରାଇମ୍’ ମିସାଇଲ ପରୀକ୍ଷଣ ସମୟରେ ପୂର୍ବ ତଟ ନିକଟରେ ଅନେକଗୁଡିଏ ଟେଲିମେଟ୍ରି ଏବଂ ରାଡାର ଲଗାଯାଇଥିଲା । ଯାହାକି ପରୀକ୍ଷଣ ସମୟରେ ମିସାଇଲ ଉପରେ ନଜର ରଖିଥିଲେ । ମିସାଇଲ ପରୀକ୍ଷଣ ଆରମ୍ଭରୁ ଏଗୁଡିକ ନଜର ରଖିଥିଲେ ।
ଏହା ପୂର୍ବରୁ ପରୀକ୍ଷଣ ହୋଇଥିବା ଅଗ୍ନି-I ଗୋଟିଏ ସିଙ୍ଗଲ ଷ୍ଟେଜ୍ ମିସାଇଲ ଥିଲା କିନ୍ତୁ ଅଗ୍ନି ପ୍ରାଇମ ଦୁଇ ଷ୍ଟେଜ୍ ବିଶିଷ୍ଟ ଆଡଭାନସ୍ ମିସାଇଲ । ଏହା ସହିତ ‘ଅଗ୍ନି ପ୍ରାଇମ୍’ର ଓଜର ଅଗ୍ନି-Iର ଓଜନ ଠାରୁ ବେଶ କମ ।୪ ହଜାର କିଲୋମିଟର ପର୍ଯ୍ୟନ୍ତ ଭେଦ କରିପାରୁଥିବା ଅଗ୍ନି-IV ଏବଂ ୫ ହଜାର କିଲୋମିଟର ଯାଏଁ ଭେଦ କରିପାରୁଥିବା ଅଗ୍ନି-V ଠାରୁ ‘ଅଗ୍ନି ପ୍ରାଇମ୍’ର ଓଜନ ବହୁତ କମ । ୧୯୮୯ ମସିହାରେ ଅଗ୍ନି-I ର ପରୀକ୍ଷଣ କରାଯାଇଥିଲା । ଏହାପରେ ୨୦୦୪ ମସିହାରେ ଏହାକୁ ଭାରତୀୟ ସେନାରେ ସାମିଲ କରାଯାଇଥିଲା ।
Comments are closed.