ବନ୍ଧନ ବ୍ୟାଙ୍କ ପକ୍ଷରୁ ୮ ବର୍ଷରୁ କମ୍ ସମୟରେ ଶାଖାରେ ତିନି ଗୁଣା ବୃଦ୍ଧି
ବ୍ୟାଙ୍କର ଏବେ ୧୫୦୦ରୁ ଅଧିକ ଶାଖା
ମୋଟ ବ୍ୟାଙ୍କିଙ୍ଗ୍ ଆଉଟ୍ଲେଟ୍ ସଂଖ୍ୟା ୬୦୦୦ରୁ ଅଧିକ
ସାରା ଦେଶରେ ଏହା ତିନି କୋଟିରୁ ଅଧିକ ଗ୍ରାହକଙ୍କୁ ସେବା ପ୍ରଦାନ କରୁଛି
ଭୁବନେଶ୍ୱର: ଦେଶର ଅନ୍ୟତମ ଦ୍ରୁତ ଅଭିବୃଦ୍ଧିଶୀଳ ବ୍ୟାଙ୍କ ବନ୍ଧନ ବ୍ୟାଙ୍କ ପକ୍ଷରୁ କାରବାର ଆରମ୍ଭ କରିବାର ଆଠ ବର୍ଷରୁ କମ୍ ସମୟ ଭିତରେ ଶାଖା ସଂଖ୍ୟାରେ ତିନି ଗୁଣା ବୃଦ୍ଧି ମାରଇଲଖୁଂଟ ହାସଲ କରାଯାଇଛି । ବ୍ୟାଙ୍କର ଏବେ ମୋଟ ଉପରେ ୧୫୦୦ରୁ ଅଧିକ ଶାଖା ରହିଛି । ଅନ୍ୟ ୪୫୦୦ ବ୍ୟାଙ୍କିଙ୍ଗ ୟୁନିଟ୍କୁ ନେଇ ବ୍ୟାଙ୍କର ମୋଟ ବ୍ୟାଙ୍କିଙ୍ଗ ଆଉଟ୍ଲେଟ୍ ସଂଖ୍ୟା ଏବେ ସାରା ଦେଶରେ ୬୦୦୦ରୁ ଅଧିକ ହୋଇଛି । ୨୦୧୫ ଅଗଷ୍ଟ ୨୩ରେ ୫୦୧ ଶାଖା ସହ ବ୍ୟାଙ୍କ ଏହାର ଯାତ୍ରା ଆରମ୍ଭ କରିଥିଲା ।
ବ୍ୟାଙ୍କ ଏବେ ସାରା ଦେଶର ୩୪ଟି ରାଜ୍ୟ ଓ କେନ୍ଦ୍ରଶାସିତ ଅଂଚଳରେ ବ୍ୟାପୀଥିବା ୬୦୦୦ରୁ ଅଧିକ ବ୍ୟାଙ୍କିଙ୍ଗ୍ ଆଉଟ୍ଲେଟ୍ର ଦୃଢ଼ ନେଟ୍ୱର୍କ ଜରିଆରେ ୩ କୋଟିରୁ ଅଧିକ ଗ୍ରାହକଙ୍କୁ ସେବା ପ୍ରଦାନ କରୁଛି । ଭାରତୀୟମାନେ ଯେଉଁଠାରେ ବାସ କରୁଥାଆନ୍ତୁ, ସେମାନଙ୍କ ଆର୍ଥିକ ଆବଶ୍ୟକତା ଯାହା ରହିଥାଉ କିମ୍ବା ପ୍ରତ୍ୟକ୍ଷ ଓ ଡିଜିଟାଲ୍ରୁ ଯେଉଁ ବ୍ୟାଙ୍କିଙ୍ଗ ମାଧ୍ୟମ ସେମାନଙ୍କର ପସନ୍ଦ ସେହି ଅନୁସାରେ ପ୍ରତି ଭାରତୀୟଙ୍କ ବିବିଧ ଆର୍ଥିକ ଆବଶ୍ୟକତା ପୂରଣ କରିବା ଲାଗି ଏହା ପ୍ରତିବଦ୍ଧ ରହିଛି ।
ବନ୍ଧନ ବ୍ୟାଙ୍କର ଏମ୍ଡି ଓ ସିଇଓ ଚନ୍ଦ୍ରଶେଖର ଘୋଷ କହିଛନ୍ତି ଯେ, “ବନ୍ଧନ ବ୍ୟାଙ୍କ ଆଜି ଏକ ଗୁରୁତ୍ୱପୂର୍ଣ୍ଣ ମାଇଲଖୁଂଟ ହାସଲ କରିଛି । ଆମ ଉପରେ ସାରା ଭାରତର କୋଣ ଅନୁକୋଣରୁ ଗ୍ରାହକମାନେ ପ୍ରକଟ କରିଥିବା ବିଶ୍ୱାସ ଓ ଭରସାର ଫଳ ସ୍ୱରୂପ ଗତ ଆଠ ବର୍ଷ ଭିତରେ ବ୍ୟାଙ୍କ ଦ୍ରୁତ ଅଭିବୃଦ୍ଧି ହାସଲ କରିଛି । ସମସ୍ତଙ୍କ ପାଖରେ ବ୍ୟାଙ୍କ ସେବା ପହଂଚାଇବା ଲାଗି ଭାରତରେ ବ୍ୟାଙ୍କିଙ୍ଗ ଆଉଟ୍ଲେଟ୍କୁ ଅଧିକ ସ୍ଥାନରେ ପହଂଚାଇବାର ଆବଶ୍ୟକତା ରହିଛି । ଆମର ଦ୍ରୁତ ଅଭିବୃଦ୍ଧିଶୀଳ ବ୍ୟାଙ୍କ ନେଟ୍ୱର୍କ ଓ ଡିଜିଟାଲ୍ ସେବା ସହିତ ଆମ ମୂଲ୍ୟବାନ ଗ୍ରାହକମାନଙ୍କ ଲାଗି ସୁବିଧା, ସୁରକ୍ଷାରେ ଆହୁରି ଉନ୍ନତି ଆଣିବା ଲାଗି ବନ୍ଧନ ବ୍ୟାଙ୍କ ପ୍ରତିବଦ୍ଧ ରହିଛି ।’’
ସଂପତି ବୁକ୍ ଓ ଭୌଗୋଳିକ ଉପସ୍ଥିତିରେ ବିବିଧତା ଆଣିବା ଯାତ୍ରାରେ ବ୍ୟାଙ୍କ ଉଲ୍ଲେଖନୀୟ ସଫଳତା ହାସଲ କରିଛି । ନିଜର ପାରମ୍ପରିକ କ୍ଷେତ୍ର ପୂର୍ବ ଏବଂ ଉତର ପୂର୍ବାଚଂଳଠାରୁ ଆଗକୁ ବଢ଼ି ଗ୍ରାମୀଣ ଓ ସହରାଚଂଳ ବଜାରର ମିଶ୍ରଣରେ ବ୍ୟାଙ୍କ ଏହାର ଉପସ୍ଥିତିର ସମ୍ପ୍ରସାରଣ ଜାରି ରଖିଛି । ବ୍ୟାଙ୍କ ଏହାର ସିକ୍ୟୁରଡ୍ ଋଣ ଭାଗ ମଧ୍ୟ ବଢ଼ାଉଛି । ବ୍ୟାଙ୍କ ପକ୍ଷରୁ ଆକର୍ଷଣୀୟ ସୁଧ ହାରରେ ଗୃହ ଋଣ, ବ୍ୟକ୍ତିଗତ ଋଣ, ଗାଡ଼ି ଋଣ ଏବଂ ଦୁଇ ଚକିଆ ଋଣ ଭଳି ଖୁଚୁରା ଉତ୍ପାଦ ପ୍ରଦାନ କରାଯାଉଛି । ଗ୍ରାହକମାନଙ୍କ ସୁବିଧା ଲାଗି ବ୍ୟାଙ୍କ ପକ୍ଷରୁ ନିକଟରେ ନିଓ ପ୍ଲସ୍ ଡିଜିଟାଲ୍ ସେଭିଂ ବ୍ୟାଙ୍କ ଖାତା ନାମରେ ସମ୍ପୂର୍ଣ୍ଣ ଡିଜିଟାଲ୍ ସଂଚୟ ଖାତାର ଶୁଭାରମ୍ଭ କରାଯାଇଛି ।
Comments are closed.