ନିକଟରେ ପାକିସ୍ତାନର ପୂର୍ବତନ କ୍ରିକେଟର ଅବଦୁଲ ରଜାକ ଭାରତୀୟ ଅଭିନେତ୍ରୀ ଐଶ୍ୱର୍ଯ୍ୟା ରାୟଙ୍କୁ ନେଇ ଏକ ଖରାପ ବୟାନ ଦେଇଛନ୍ତି ।ଅବ୍ଦୁଲ ରଜାକ ଐଶ୍ୱର୍ଯ୍ୟା ରାୟ ବଚ୍ଚନଙ୍କୁ ନେଇ ଅପମାନଜନକ ମନ୍ତବ୍ୟ ଦେଉଥିବା ବେଳେ ପାକିସ୍ତାନର ପୂର୍ବତନ କ୍ରିକେଟର ସାହିଦ ଆଫ୍ରିଦି, ଦ୍ରୁତ ବୋଲର ଉମର ଗୁଲ ଏବଂ ମିସ୍ବା-ଉଲ୍-ହକ୍ ମଧ୍ୟ ପ୍ୟାନେଲରେ ଉପସ୍ଥିତ ଥିଲେ। ସେ ଅବଦୁଲ ରଜାକଙ୍କ କଥାରେ ତାଳି ମାରିବା ସହ ଲଜ୍ଜାଜନକ ଭାବେ ହସୁଥିବା ଦେଖିବାକୁ ମିଳିଥିଲା।
ଗୋଟିଏ ପଟେ ପାକିସ୍ତାନ ବିଶ୍ୱକପ୍ ୨୦୨୩ରେ ଖରାପ ପ୍ରଦର୍ଶନ କରି ସେମିଫାଇନାଲରେ ପ୍ରବେଶ କରିବାରେ ବିଫଳ ହୋଇଥିବା ବେଳେ ଅନ୍ୟପଟେ ଭାରତୀୟ ଅଭିନେତ୍ରୀଙ୍କ ଉପରେ ପାକିସ୍ତାନୀ ପୂର୍ବତନ କ୍ରିକେଟର ଦେଇଥିବା ବିବାଦୀୟ ବୟାନ ଅନେକ ପ୍ରଶ୍ନ ଉଠାଇଛି। ଏହି ଘଟଣା ସହ ଜଡିତ ଏକ ଭିଡିଓ ମଧ୍ୟ ସୋସିଆଲ ମିଡିଆ ପ୍ଲାଟଫର୍ମରେ ଖୁବ ଭାଇରାଲ ହେବାରେ ଲାଗିଛି ।
Shameful example given by Abdul Razzaq. #AbdulRazzaq #CWC23 pic.twitter.com/AOboOVHoQU
— Shaharyar Ejaz 🏏 (@SharyOfficial) November 13, 2023
ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଅନେକ ୟୁଜର୍ସ ଅବଦୁଲ ରଜାକଙ୍କୁ ମଧ୍ୟ ବହୁତ ଟ୍ରୋଲ କରିଥିଲେ । ଅବଦୁଲ ରଜାକଙ୍କ କାର୍ଯ୍ୟକଳାପ ଉପରେ ପ୍ରତିକ୍ରିୟା ପ୍ରକାଶ କରି ଜଣେ ପାକିସ୍ତାନୀ ସାମ୍ବାଦିକ କହିଛନ୍ତି ଯେ ଏହି କ୍ରିକେଟରମାନେ ବିଶ୍ୱ ଭ୍ରମଣ କରିଛନ୍ତି, କିନ୍ତୁ ଏହା ସତ୍ତ୍ୱେ ସେମାନେ ଜଣେ ମହିଳାଙ୍କ ବିଷୟରେ ଖରାପ ବୟାନ ଦେଇଛନ୍ତି। ଏହା ସେମାନଙ୍କ ଶିକ୍ଷାକୁ ଦର୍ଶାଉଛି।
What a terrible thing to say!
That's why education and grooming is important. These 3 have travelled the world and yet, something like this is being said by Abdul Razzaq; endorsed by Umar Gull and Shahid Afridi. Very low.
This would hurt Aishwarya, her lovely Bachchan family… pic.twitter.com/IPw3JWhhUd— Basit Subhani (@BasitSubhani) November 13, 2023
ଏହା ପ୍ରଥମ ଥର ନୁହେଁ ଯେ ଅବଦୁଲ ରଜାକ କାହାକୁ ନେଇ ଦେଇଥିବା ବୟାନକୁ ନେଇ ବିବାଦରେ ଫସିଛନ୍ତି । ୨୦୨୧ରେ ପାକିସ୍ତାନ ଇଲେକ୍ଟ୍ରୋନିକ୍ ମିଡିଆ ରେଗୁଲେଟାରି ଅଥରିଟି (ପିଇଏମଆରଏ) ନ୍ୟୁଜ୍ ଚ୍ୟାନେଲ୍ ନିଓ ନ୍ୟୁଜ୍ ପିକେଆର୍କୁ ୨ ଲକ୍ଷ ଟଙ୍କା ଜରିମାନା କରିଥିଲା, ଯେତେବେଳେ ରଜାକ୍ ମହିଳା କ୍ରିକେଟର ନିଦା ଦରଙ୍କ ଉପରେ ମନ୍ତବ୍ୟ ଦେଇ କହିଥିଲେ ଯେ ସେ ଜଣେ ମହିଳାଙ୍କ ଅପେକ୍ଷା ପୁରୁଷ ପରି ଦେଖାଯାଉଛନ୍ତି।
Comments are closed.