160×600
160×600

ଚୀନରୁ ଆସୁଛି ପୁଣି ଆଉ ଏକ ବିପଦ, ଚିନ୍ତାରେ ବିଶ୍ୱବାସୀ


କରୋନା ଭାଇରସ୍ ସଙ୍କଟ ଏପର୍ଯ୍ୟନ୍ତ ଶେଷ ହୋଇନାହିଁ । କିନ୍ତୁ ଏବେ ଚୀନ୍‌ରୁ ଆଉ ଏକ ଖରାପ ଖବର ଏବେ ଆସିଛି । ଚାଇନାରେ ପ୍ରଥମ ଥର ପାଇଁ ମଣିଷ ମାନଙ୍କ ଠାରେ ବାର୍ଡ ଫ୍ଲୁ ଚିହ୍ନଟ ହୋଇଛି । ଜାତୀୟ ସ୍ୱାସ୍ଥ୍ୟ ଆୟୋଗ (NHC) ଜଣେ ୪୧ ବର୍ଷ ବୟସ୍କ ବ୍ୟକ୍ତିଙ୍କଠାରେ ବାର୍ଡ ଫ୍ଲୁର H10N3 ଷ୍ଟ୍ରେନ୍ ଥିବା ନିଶ୍ଚିତ କରିଛି । ଏହି ବ୍ୟକ୍ତି ଚାଇନାର ଜିଆଙ୍ଗସୁ ପ୍ରଦେଶର ବାସିନ୍ଦା । ଜ୍ୱର ଏବଂ ଅନ୍ୟାନ୍ୟ ଲକ୍ଷଣ ପରେ ଏହି ବ୍ୟକ୍ତିଙ୍କୁ ଏପ୍ରିଲ ୨୮ରେ ହସ୍ପିଟାଲରେ ଭର୍ତ୍ତି କରାଯାଇଥିଲା ବୋଲି NHC କହିଛି । ଏକ ମାସ ପରେ, ଅର୍ଥାତ୍ ୨୮ ମଇରେ, ଏଥିରେ H10N3 ଷ୍ଟ୍ରେନ୍ ମିଳିଲା ।

ଜାତୀୟ ସ୍ୱାସ୍ଥ୍ୟ ଆୟୋଗ (NHC) ପୀଡିତାଙ୍କ ବିଷୟରେ ଅଧିକ ସୂଚନା ଦେବାକୁ ମନା କରିଦେଇଛି । କିନ୍ତୁ ନିଶ୍ଚିତ ଭାବରେ କହିଛି ଯେ ଏହି ସଂକ୍ରମଣ କୁକୁଡ଼ା ମାନଙ୍କଠାରୁ ମଣିଷଙ୍କ ନିକଟରେ ପହଞ୍ଚିଛି । ତଥାପି, NHC କହିଛି ଯେ H10N3 ଷ୍ଟ୍ରେନ୍ ଅତ୍ୟନ୍ତ ଶକ୍ତିଶାଳୀ ନୁହେଁ ଏବଂ ଏହାକୁ ବଡ଼ ଆକାରରେ ବିସ୍ତାର କରିବାର ବିପଦ ମଧ୍ୟ କମ୍ ଅଟେ । ପୀଡିତାଙ୍କ ଅବସ୍ଥା ବର୍ତ୍ତମାନ ସ୍ଥିର ରହିଛି ଏବଂ ଶୀଘ୍ର ଡାକ୍ତରଖାନାରୁ ଡିସଚାର୍ଜ ହେବେ ।

NHC ଅନୁଯାୟୀ, ଉକ୍ତ ବ୍ୟକ୍ତିଙ୍କ ସଂସ୍ପର୍ଶରେ ଆସିଥିବା ଲୋକଙ୍କ ଡାକ୍ତରୀ ପରୀକ୍ଷାରେ କେହି ସଂକ୍ରମିତ ହୋଇନାହାଁନ୍ତି । ଏଠାରେ ସୂଚନା ଥାଉକି ଯେ ଚାଇନାରେ ଏଭିଆନ୍ ଇନ୍‌ଫ୍ଲୁଏଞ୍ଜା ଯଥା ବାର୍ଡ ଫ୍ଲୁର ଅନେକ ଷ୍ଟ୍ରେନ୍ ଅଛି ଏବଂ ସେମାନଙ୍କ ମଧ୍ୟରୁ କେତେକ ମଣିଷକୁ ମଧ୍ୟ ସଂକ୍ରମିତ କରିଛନ୍ତି । ଏହା ବିଶେଷ କରି କୁକୁଡ଼ା ଫାର୍ମରେ କାମ କରୁଥିବା ଲୋକଙ୍କୁ ପ୍ରଭାବିତ କରିଥାଏ । ତଥାପି, ବର୍ତ୍ତମାନ ପର୍ଯ୍ୟନ୍ତ H10N3 ଷ୍ଟ୍ରେନ୍ ସାରା ବିଶ୍ୱରେ କୌଣସି ମନୁଷ୍ୟଙ୍କ ଦେହରେ ମିଳି ନଥିଲା । ଚାଇନାରେ ଏହା ହେଉଛି ପ୍ରଥମ ମାମଲା ।


Share It

Comments are closed.