ଭାରତ ଏବଂ ୱେଷ୍ଟଇଣ୍ଡିଜ ମଧ୍ୟରେ ଟେଷ୍ଟ ସିରିଜର ଦ୍ୱିତୀୟ ମ୍ୟାଚ ଜମାଇକାସ୍ଥିତ ‘ଶବିନୀ’ ପାର୍କରେ ଚାଲୁଥିବାବେଳେ ପ୍ରଥମଦିନର ଖେଳ ଶେଷ ହେବା ପୂର୍ବରୁ ଭାରତ ୫ ୱିକେଟ ହରାଇ ୨୬୪ ରନ ସଂଗ୍ରହ କରିଛି । ଏହି ମ୍ୟାଚରେ ମୟଙ୍କ ଅଗ୍ରାୱାଲ (୫୫), ବିରାଟ କୋହଲି (୭୬) ଅର୍ଦ୍ଧଶତକ ହାସଲ କରିଥିବାବେଳେ ଅନ୍ୟପଟେ ହନୁମା ବିହାରୀ ଏବଂ ପନ୍ତ କ୍ରମଶଃ ୪୨ ଏବଂ ୨୭ ରନ ସଂଗ୍ରହ କରି ନଟଆଉଟ ରହିଛନ୍ତି । ତେବେ ଏହି ମଧ୍ୟରେ ୬.୫ ଫୁଟ ଲମ୍ବ ତଥା ୧୪୩ କିଲୋ ଓଜନ ବିଶିଷ୍ଟ ୱେଷ୍ଟଇଣ୍ଡିଜର ଯୁବ ସ୍ପନିର ‘ରଖିମ କୋର୍ଣ୍ଣୱାଲ’ ଆଜିର ମ୍ୟାଚରେ ପ୍ରଥମ ଥର ପାଇଁ ଆନ୍ତର୍ଜାତିକ କ୍ରିକେଟକରେ ପାଦ ଥାପିଛନ୍ତି । କ୍ରିକେଟ ଜଗତରେ ନିଜ ବିଶାଳକାୟ ଶରୀର ପାଇଁ ଚର୍ଚ୍ଚାରେ ରହି ଆସୁଥିବା ଏହି ଖେଳାଳୀ ଜଣକ ନିଜ ବୋଲିଂର ଯାଦୁରେ ମଧ୍ୟ ଭାରତୀୟ ବ୍ୟାଟ୍ସମ୍ୟାନଙ୍କୁ ମଧ୍ୟ ପ୍ରଭାବିତ କରିବାରେ ସଫଳ ରହିଥିଲେ ।
1 wicket & 2 catches already!🙌🏾What makes Rahkeem Cornwall a great All-Rounder? Let's find out!👀
⬇️⬇️⬇️⬇️⬇️https://t.co/AeHOv0lchY— Windies Cricket (@windiescricket) August 30, 2019
ନିଜ କ୍ୟାରିୟରର ପ୍ରଥମ ମ୍ୟାଚ ଖେଳୁଥିବା କୋର୍ଣ୍ଣୱାଲ ନିଜର ପ୍ରଭାବୀ ପ୍ରଦର୍ଶନ ଦ୍ୱାରା ଭାରତୀୟ ବ୍ୟାଟ୍ସମ୍ୟାନଙ୍କୁ ଅସ୍ତବ୍ୟସ୍ତ କରିଦେଇଥିବାବେଳେ ସେ ଚେତେଶ୍ୱର ପୂଜାରାଙ୍କ ଭଳି ଖେଳାଳୀଙ୍କ ୱିକେଟ ମଧ୍ୟ ହାସଲ କରନେଇଥିଲେ । ପୂଜାରା, କୋର୍ଣ୍ଣୱାଲଙ୍କ ବଲରେ କ୍ୟାଚ ଆଉଟ ହୋଇ ପାଭିଲିୟନ ଫେରିଥିବାବେଳେ ଏହି ଅବସରେ କୋର୍ଣ୍ଣୱାଲ କହିଥିଲେ ଯେ, “ପଦାର୍ପଣ ମ୍ୟାଚରେ ମୋ ଅନୁଭବ ଖୁବ ଭଲ ଥିଲା । ମୋତେ ଲାଗୁଛି କି ଆରମ୍ଭରୁ ବଲ ଖୁବ ଭଳ ପଡୁଥିଲା । ମୋତେ ବଲ ଠିକ୍ ଜାଗାରେ ଖେଳାଇବା ପାଇଁ କଷ୍ଟ କରିବାକୁ ପଡିଥିଲା ।” କେବଳ ଏତିକି ନୁହେଁ କୋର୍ଣ୍ଣୱାଲ, ନିଜ ପଦାର୍ପଣ ମ୍ୟାଚରେ ରାହୁଲ ଏବଂ ଅଗ୍ରୱାଲାଙ୍କ ଦୁଇଟି ସୁନ୍ଦର କ୍ୟାଚ ଧରି ସମସ୍ତଙ୍କୁ ଆଶ୍ଚର୍ଯ୍ୟଚକିତ ମଧ୍ୟ କରାଇଦେଇଥିଲେ ।
Comments are closed.