ଭାରତୀୟ ଦଳର ଉପ-ଅଧିନାୟକ ହେବା ପରେ ପ୍ରଥମ ଥର ପାଇଁ ସୂର୍ଯ୍ୟକୁମାର ଯାଦବ ଦେଲେ ପ୍ରତିକ୍ରିୟା


ସୂର୍ଯ୍ୟକୁମାର ଯାଦବ (Suryakumar Yadav) ଚଳିତ ବର୍ଷ ଟି-20 ଅନ୍ତର୍ଜାତୀୟ ମ୍ୟାଚରେ ସର୍ବାଧିକ ରନ୍ ସଂଗ୍ରହ କରିଥିବା ବ୍ୟାଟ୍ସମ୍ୟାନ୍ ହୋଇପାରିଛନ୍ତି । ସୂର୍ଯ୍ୟକୁମାର ଯାଦବଙ୍କୁ ଆଗାମୀ ଶ୍ରୀଲଙ୍କା ସିରିଜ୍ (IND vs SL T20I Series) ରେ ଏହାର ଫଳ ମଧ୍ୟ ମିଳିଛି । ଟି-20 ଦଳରେ ସୂର୍ଯ୍ୟକୁମାର ଯାଦବଙ୍କୁ ପଦୋନ୍ନତି କରାଯାଇ ଉପ-ଅଧିନାୟକ (Team India Vice Captain) କରାଯାଇଛି । ଉପ-ଅଧିନାୟକ (Indian Vice Captain) ହେବା ପରେ ସୂର୍ଯ୍ୟକୁମାର ଯାଦବ କିପରି ଅନୁଭବ କରୁଛନ୍ତି ବୋଲି ପ୍ରଶ୍ନ ପଚରାଯାଇଥିଲା, ସେତେବେଳେ ସୂର୍ଯ୍ୟକୁମାର ଯାଦବ କହିଛନ୍ତି ଯେ ଏହା ତାଙ୍କ ପାଇଁ ଏକ ସ୍ୱପ୍ନ ଭଳି । ଏପରି ଘଟଣା ଘଟିବା ବୋଲି ତାଙ୍କର କୌଣସି ଆଶା ନଥିଲା ବୋଲି ସୂର୍ଯ୍ୟକୁମାର ଯାଦବ କହିଛନ୍ତି ।

ବୁଧବାର ରଣଜୀ ଟ୍ରଫିରେ ସୌରାଷ୍ଟ୍ର ବିପକ୍ଷରେ ୯୫ ରନର ଇନିଂସ ଖେଳିବା ପରେ ସୂର୍ଯ୍ୟକୁମାର ଯାଦବ (Suryakumar Yadav) କହିଛନ୍ତି ଯେ, “ମୋତେ (ଉପ-ଅଧିନାୟକ) ଏହାର କୌଣସି ଆଶା ନଥିଲା । କିନ୍ତୁ ଗତ ବର୍ଷ ଯେପରି ଅତିକ୍ରମ କରିଛି, ମୁଁ ଭାବୁଛି ଏହା ମୋ ପାଇଁ ପୁରସ୍କାର ଅଟେ । ଏହା ପାଇ ମୁଁ ଭଲ ଅନୁଭବ କରୁଛି ।”

ସୂର୍ଯ୍ୟକୁମାର ଯାଦବ (Suryakumar Yadav) କହିଛନ୍ତି ଯେ, “ତାଙ୍କ ବାପା ତାଙ୍କୁ ଏହି ଖବର ଦେଇଥିଲେ । ମୋ ବାପା ମୋତେ ସ୍କ୍ୱାଡ ତାଲିକା ପଠାଇଥିଲେ କାରଣ ସେ ସବୁବେଳେ ସୋସିଆଲ ମିଡିଆରେ ଥାଆନ୍ତି । ଏହା ପରେ ଆମେ ପରସ୍ପର ସହ କଥା ହେଲୁ । ସେ ମୋତେ ଆଉ ଏକ ଛୋଟ ମେସେଜ ପଠାଇଲେ । ସେ ଲେଖିଥିଲେ ଯେ ଅଧିକ ଚାପ ନିଅ ନାହିଁ ଓ ତୁମର ବ୍ୟାଟିଂକୁ ଉପଭୋଗ କର ।”

ସୂର୍ଯ୍ୟକୁମାର ଯାଦବ କହିଛନ୍ତି ଯେ, “ମୁଁ ଆଖି ବନ୍ଦ କରି ନିଜକୁ ପଚାରିଲି, କଣ ଏହା ହେଉଛି ଦଳ? ଏହା ମୋ ପାଇଁ ଏକ ସ୍ୱପ୍ନ ପରି ଥିଲା । ଏହା ମୋର ବର୍ଷର ପରିଶ୍ରମର ଫଳ । ମୁଁ ବୁଣିଥିବା ଗଛ ଶେଷରେ ବଢ଼ିଛି ଓ ମୁଁ ବର୍ତ୍ତମାନ ଏହାର ଫଳ ଉପଭୋଗ କରୁଛି । ଜିନିଷଗୁଡିକ ଘଟୁଥିବା ଘଟଣାରେ ମୁଁ ବହୁତ ଖୁସି ।” ଏଠାରେ କହି ରଖୁଛୁ ଯେ, ୩୨ ବର୍ଷୀୟ ସୂର୍ଯ୍ୟକୁମାର ଯାଦବ ଗତ ବର୍ଷ ଅନ୍ତର୍ଜାତୀୟ ସ୍ତରରେ ଡେବ୍ୟୁ କରିଥିଲେ । ତାଙ୍କର ଛୋଟ କ୍ୟାରିଅରରେ ସେ ଟି-20 ଅନ୍ତର୍ଜାତୀୟ ରାଙ୍କିଙ୍କରେ ନମ୍ବର ୧ରେ ପହଞ୍ଚିଛନ୍ତି । ସୂର୍ଯ୍ୟକୁମାର ଯାଦବ ବର୍ତ୍ତମାନ ପର୍ଯ୍ୟନ୍ତ ୪୨ଟି ଟି-୨୦ ଅନ୍ତର୍ଜାତୀୟ ମ୍ୟାଚରେ ୧୪୦୮ ରନ୍ କରିଛନ୍ତି ଓ ତାଙ୍କର ଷ୍ଟ୍ରାଇକ୍ ରେଟ୍ ୧୮୦+ ରହିଛି । ସେ ୧୬ଟି ODI ମଧ୍ୟ ଖେଳିଛନ୍ତି । ସେ ଏପର୍ଯ୍ୟନ୍ତ ଟେଷ୍ଟ କ୍ରିକେଟରେ ଡେବ୍ୟୁ କରିବାର ସୁଯୋଗ ପାଇନାହାଁନ୍ତି ।


Share It

Comments are closed.