ଆଦିତ୍ୟ-ଏଲ୧: ଭାରତର ପ୍ରଥମ ସୌର ପର୍ଯ୍ୟବେକ୍ଷଣ କେନ୍ଦ୍ର ଦ୍ବାରା ସେଲ୍ଫି, ପୃଥିବୀ ଓ ଚନ୍ଦ୍ରର ଫଟୋ ଉତ୍ତୋଳନ
ଭୁବନେଶ୍ୱର : ଭାରତର ପ୍ରଥମ ମହାକାଶ ଭିତ୍ତିକ ସୌର ପର୍ଯ୍ୟବେକ୍ଷଣ କେନ୍ଦ୍ର ଆଦିତ୍ୟ-ଏଲ୧ ଦ୍ୱାରା ଉତ୍ତୋଳନ କରାଯାଇଥିବା ପୃଥିବୀ ଓ ଚନ୍ଦ୍ରର ପ୍ରଥମ ଫଟୋ ଆଜି ଇସ୍ରୋ ପକ୍ଷରୁ ଜାରି କରାଯାଇଛି । ଆଦିତ୍ୟ-ଏଲ୧ ଯେତେବେଳେ ଏହା ଲାଗରେଞ୍ଜ ପଏଣ୍ଟ ୧ (ଏଲ ୧) ଆଡକୁ ଯାତ୍ରା ଜାରି ରଖିଥିଲା ସେହି ସମୟରେ ଚନ୍ଦ୍ର ଏବଂ ପୃଥିବୀର ସେଲ୍ଫି ଉତ୍ତୋଳନ କରିବା ସହିତ ଫଟୋ ଉତ୍ତୋଳନ କରିଥିଲା। ଇସ୍ରୋ ପକ୍ଷରୁ ଜାରି କରାଯାଇ ଭିଡିଓରେ ଚନ୍ଦ୍ର ସହ ପୃଥିବୀକୁ ମଧ୍ୟ ଦେଖିବାକୁ ମିଳୁଛି। ପୃଥିବୀର ଏକମାତ୍ର ପ୍ରାକୃତିକ ଉପଗ୍ରହଟି ନୀଳଗ୍ରହ ତୁଳନାରେ ଏକ କ୍ଷୁଦ୍ର କଣିକା ଭଳି ଦେଖାଯାଉଥିଲା ।
ଆଦିତ୍ୟ-ଏଲ୧ ଦ୍ୱାରା ଉତ୍ତୋଳନ ହୋଇଥିବା ସେଲ୍ଫିରେ ଭିଜିବଲ ଏମିଶନ ଲାଇନ୍ କରୋନାଗ୍ରାଫ୍ (ଭିଇଏଲସି) ଏବଂ ସୋଲାର ଅଲଟ୍ରାଭାୟୋଲେଟ ଇମେଜିଂ ଟେଲିସ୍କୋପ୍ (ଏସୟୁଆଇଟି) ପେଲୋଡ୍ ଦେଖିବାକୁ ମିଳିଛି । ଆଦିତ୍ୟ-ଏଲ୧ରେ ଲାଗିଥିବା କ୍ୟାମେରା ଦ୍ଵାରା ସେଲ୍ଫି ଉତ୍ତୋଳନ କରିବା ସହ ୨୦୨୩ ସେପ୍ଟେମ୍ବର ୪ ତାରିଖରେ ପୃଥିବୀ ଓ ଚନ୍ଦ୍ରର ଚମକ୍ରାର ଦୃଶ୍ୟ ରେକର୍ଡ ମଧ୍ୟ କରାଯାଇଛି ।
ଇସ୍ରୋ ଟ୍ୱିଟ୍ ମାଧ୍ୟମ ରେ ଜଣାଇଛନ୍ତି ଯେ ଆଦିତ୍ୟ-ଏଲ୧, ସୂର୍ଯ୍ୟ -ପୃଥିବୀ ଏଲ୧ ପଏଣ୍ଟ ପାଇଁ ନିର୍ଦ୍ଧାରିତ, ଯାହା ପୃଥିବୀ ଏବଂ ଚନ୍ଦ୍ରର ସେଲଫି ଏବଂ ଚିତ୍ର ନେଇଛି ।
ସେପ୍ଟେମ୍ବର ୫ ତାରିଖରେ ଆଦିତ୍ୟ-ଏଲ୍୧ ସଫଳତାର ସହ ଦ୍ୱିତୀୟ ଥର ପାଇଁ ପୃଥିବୀ ଅଭିମୁଖେ ଯାତ୍ରା କରିଥିଲା। ଆସନ୍ତା ସେପ୍ଟେମ୍ବର ୧୦ ତାରିଖରେ ଭାରତୀୟ ସମୟ ରାତି ପ୍ରାୟ ୨ଟା ୩୦ ମିନିଟରେ ସୌର ପର୍ଯ୍ୟବେକ୍ଷକ ସଂସ୍ଥା ଏହାର ପରବର୍ତ୍ତୀ ପୃଥିବୀ ଅଭିମୁଖେ ଯାତ୍ରା କରିବ।
ଆଦିତ୍ୟ-ଏଲ୧ ସେପ୍ଟେମ୍ବର ୩ ତାରିଖରେ ପ୍ରଥମ ଥର ପାଇଁ ପୃଥିବୀ ଅଭିମୁଖେ ଯାତ୍ରା କରିଥିଲା ଏବଂ ୨୪୫ କିମି x ୨୨୪୫୯ କିମି କକ୍ଷପଥରେ ପହଞ୍ଚିଥିଲା।
ଆଦିତ୍ୟ-ଏଲ୧ରେ ୭ଟି ପେଲୋଡ୍ ରହିଛି, ସେଥିମଧ୍ୟରୁ ୪ଟି ରିମୋଟ୍ ସେନ୍ସିଂ ଉପକରଣ ଏବଂ ୩ଟି ଇନ-ସିଟୁ ପେଲୋଡ୍ ରହିଛି।
ରିମୋଟ ସେନ୍ସିଂ ପେଲୋଡ୍ ସ୍ପେକ୍ଟ୍ରୋମିଟର ଭାବେ କାମ କରିବ। ଇତିମଧ୍ୟରେ ଦୁଇଟି ଇନ୍-ସିଟୁ ପେଲୋଡ୍ କଣିକା ବିଶ୍ଳେଷଣକାରୀ ଭାବେ କାର୍ଯ୍ୟ କରିବ ବେଳେ ଗୋଟିଏ ଚୁମ୍ବକୀୟ ମାପକ ହେବ।
ଆଦିତ୍ୟ-ଏଲ୧ର ମିଶନ ଉଦ୍ଦେଶ୍ୟ ମଧ୍ୟରେ ରହିଛି ସୌର କରୋନାର ଅଧ୍ୟୟନ, କରୋନାଲ ମାସ ଇଜେକ୍ସନର ଗତିଶୀଳତାକୁ ବୁଝିବା, ସୂର୍ୟ୍ୟଙ୍କ ଦ୍ୱାରା ନିର୍ଗତ ଉଚ୍ଚ ଶକ୍ତି କଣିକାକୁ ବିଶ୍ଳେଷଣ କରିବା ଏବଂ ସୌର କାର୍ୟ୍ୟକଳାପ ବାସ୍ତବ ସମୟରେ ମହାକାଶ ପାଣିପାଗକୁ କିଭଳି ପ୍ରଭାବିତ କରିବ ତାହା ନିର୍ଣ୍ଣୟ କରିବା। ଏହି ମହାକାଶଯାନ ସୂର୍ୟ୍ୟଙ୍କ ବାୟୁମଣ୍ଡଳର ଅନ୍ତଃ ଓ ମଧ୍ୟମ ସ୍ତର ଯଥାକ୍ରମେ ଫଟୋସ୍ଫିଅର ଓ କ୍ରୋମୋସ୍ଫିଅର ଉପରେ ମଧ୍ୟ ଅଧ୍ୟୟନ କରିବ।
ଶ୍ରୀହରିକୋଟା ସ୍ଥିତ ସତୀଶ ଧାବନ ମହାକାଶ କେନ୍ଦ୍ରରୁ ୨୦୨୩ ସେପ୍ଟେମ୍ବର ୨ ତାରିଖ ପୂର୍ବାହ୍ନ ୧୧ଟା ୫୦ ମିନିଟ ରେ ପିଏସ୍ଏଲ୍ଭି-ଏକ୍ସଏଲ୍ ରକେଟ୍ ଜରିଆରେ ଇସ୍ରୋ ଆଦିତ୍ୟ-ଏଲ୍୧କୁ ଉତ୍କ୍ଷେପଣ କରିଥିଲା। ଆଦିତ୍ୟ-ଏଲ୧କୁ ଲକ୍ଷ୍ୟସ୍ଥଳରେ ପହଞ୍ଚିବାକୁ ପ୍ରାୟ ୪ ମାସ ସମୟ ଲାଗିବ।
ଆଦିତ୍ୟ-ଏଲ୧ର ଏଲ୧କୁ ଗତିପଥ କିଛି ଜଟିଳ ରହିବା ସହ ଏଥିରେ ଏକାଧିକ ମୋଡ଼ ରହିବ। ପୃଥିବୀକୁ ଲାଗିଥିବା ସମସ୍ତ କୌଶଳ ଶେଷ ହେବା ପରେ ଆଦିତ୍ୟ-ଏଲ୧ ପୃଥିବୀର ମାଧ୍ୟାକର୍ଷଣ କ୍ଷେତ୍ରରୁ ବାହାରି କ୍ରୁଜ୍ ପର୍ଯ୍ୟାୟରେ ପ୍ରବେଶ କରିବ। ଏହି ପର୍ଯ୍ୟାୟ ଆଦିତ୍ୟ-ଏଲ୧କୁ ଏଲ୧ ଚାରିପଟେ ଏକ ହାଲୋ କକ୍ଷପଥ ଆଡକୁ ନେଇଯିବ।
ସେଠାରେ ଆଦିତ୍ୟ-ଏଲ୧ ଏହାର ମିଶନ ଅବଧିର ସମ୍ପୂର୍ଣ୍ଣ ସମୟ ଅର୍ଥାତ ପାଞ୍ଚ ବର୍ଷ ପର୍ୟ୍ୟନ୍ତ ସୂର୍ଯ୍ୟର ଅବିରାମ ଦୃଶ୍ୟ ଦେଖାଇ ପାରିବ
Comments are closed.