ମସାଜ୍ ଶରୀରକୁ ଆରାମ ଦେଇଥାଏ, କିନ୍ତୁ ଆପଣ କେବେ ନିଜ ଶରୀରରେ ସ୍ନେକ୍ ମସାଜ୍ ଅର୍ଥାତ୍ ସାପ ଦ୍ବାରା ମସାଜ୍ କରିଛନ୍ତି କି? ଆପଣ କହିବେ ଯେ ସାପ ସହିତ ! କିଏ ଏତେ ସାହସ କରିପାରିବ?
ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ଏହା ସମ୍ପୂର୍ଣ୍ଣ ସତ୍ୟ ଅଟେ | ଇଜିପ୍ଟର ଏକ ସ୍ପା ରେ ଥିବା ଲୋକଙ୍କୁ ସାପ ମସାଜ ଦିଆଯାଉଛି ଏବଂ ଏହା ଶରୀରକୁ ବହୁତ ଆରାମ ଦେଇଥାଏ ଏବଂ ଯନ୍ତ୍ରଣାକୁ ମଧ୍ୟ ଶେଷ କରିଥାଏ ବୋଲି ଦାବି କରାଯାଇଛି |
ରାଜଧାନୀ କାଇରୋର ଏକ ସ୍ପା ଲୋକମାନଙ୍କୁ ଏହି ପ୍ରକାର ସେବା ପ୍ରଦାନ କରୁଛି ଯେଉଁଥିରେ ଲୋକମାନେ ବିଭିନ୍ନ ମସାଜରୁ ସାପ ମସାଜ ମଧ୍ୟ ବାଛି ପାରିବେ | ଏଥିରେ ବିଷାକ୍ତ ହୋଇନଥିବା ସାପମାନଙ୍କୁ ବ୍ୟବହାର କରାଯାଏ |
ସ୍ପା ରେ, ଜୀବନ୍ତ ସାପଙ୍କୁ ଲୋକଙ୍କ ପିଠି ଏବଂ ମୁହଁରେ ଛାଡ଼ିଦିଆଯାଏ | ଏହା ଶରୀରର ଯନ୍ତ୍ରଣାରୁ ଲୋକଙ୍କୁ ଆରାମ ଦେଇଥାଏ | ନ୍ୟୁଜ୍ ଏଜେନ୍ସି ରଏଟର୍ସର ଭିଡିଓ ଅନୁଯାୟୀ, ଏଠାରେ ପ୍ରଥମେ ଗ୍ରାହକଙ୍କ ପିଠିରେ ତେଲ ଘଷାଯୀଏ ଏବଂ ପରେ ୩୦ ମିନିଟର ମସାଜ୍ ମଧ୍ୟରେ ଅଜଗର ଏବଂ ପ୍ରାୟ ୨୮ ଟି ବିଭିନ୍ନ ପ୍ରକାରର ବିଷହୀନ ସାପଙ୍କୁ ଶରୀରରେ ଛାଡି ଦିଆଯାଏ। ସାପ ମସାଜର ଏହି ଭିଡିଓ ସୋସିଆଲ ମିଡିଆରେ ଦିନକୁ ଦିନ ଭାଇରାଲ ହେବାରେ ଲାଗିଛି।
This massage at a Cairo spa is not for the faint-hearted pic.twitter.com/YWAsHrHn1e
— Reuters (@Reuters) December 29, 2020
ସ୍ପା ମାଲିକ ସଫୱାଟ ସେଡକି କହିଛନ୍ତି ଯେ ସାପ ମସାଜ କରିବା ଦ୍ୱାରା ମାଂସପେଶୀ ଏବଂ ଗଣ୍ଠି ଯନ୍ତ୍ରଣା କମିଯାଏ ଏବଂ ଶରୀରରେ ରକ୍ତ ପ୍ରବାହ ମଧ୍ୟ ଜାରି ରହିଥାଏ।
ସ୍ପା ର ଜଣେ ଗ୍ରାହକ ଡିଆ ଜିନ ସାପ ମସାଜ କରିବା ସମୟରେ କହିଥିଲେ ଯେ ଯେତେବେଳେ ସାପଗୁଡ଼ିକୁ ତାଙ୍କ ପିଠିରେ ରଖାଗଲା, ସେତେବେଳେ ସେ “ଆରାମ ଅନୁଭବ କଲେ ଏବଂ ତାଙ୍କ ଯନ୍ତ୍ରଣା ମଧ୍ୟ ଦୁର ହୋଇଗଲା।” ମୁଁ ପ୍ରଥମେ ଭୟ କରୁଥିଲି କିନ୍ତୁ ଅଳ୍ପ ସମୟ ମଧ୍ୟରେ ଭୟ, ଚିନ୍ତା ଏବଂ ଉତ୍ତେଜନା କମିଯାଇଥିଲା ଏବଂ ସ୍ପା ଶେଷ ହେବା ପରେ ମୋର ଆତ୍ମବିଶ୍ୱାସ ଆହୁରି ବଢ଼ିଯାଇଥିଲା |
Comments are closed.