ହରିୟାଣାର କର୍ଣ୍ଣଲ ଜିଲ୍ଲାସ୍ଥିତ ହରିଦାସପୁର ଗ୍ରାମରେ ୫ବର୍ଷର ଏକ ଶିଶୁ ୫୦ ଫୁଟ ଗଭୀର ବୋରୱେଲ ଭିତରକୁ ଖସି ପଡିଥିବାବେଳେ ଏଥିପାଇଁ ଉଦ୍ଧାରକାରୀ ଦଳ ପକ୍ଷରୁ ଉଦ୍ଧାର କାର୍ଯ୍ୟ ଆରମ୍ଭ ହୋଇପଡିଛି । ଏହି ଘଟଣା ସଂପର୍କରେ ଜଣେ ପୋଲିସ ଅଧିକାରୀ କହିଛନ୍ତି ଯେ, “ବାଳକଟି ରବିବାର ଦିନ ଖେଳିବା ସମୟରେ ବୋରୱେଲ ଭିତରେ ଖସି ପଡିଥିଲା । ଏହା ପରେ ପରିବାର ଲୋକେ, ଶିଶୁକୁ ନପାଇବାରୁ ଖୋଜା ଖୋଜି ଆରମ୍ଭ କରିଦେଇଥିଲେ । ”
ଏହା ଘଟଣା ସଂପର୍କରେ ସୂଚନା ମିଳିବାର ପରେ ପୋଲିସ ଏବଂ ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ ଆରମ୍ଭ ହୋଇଯାଇଥିଲା । ଏହା ପରେ ଏନଡିଆରଏଫକୁ ସୂଚନା ଦିଆଯାଇଥିଲା ।
ଶିଶୁଟିକୁ ବଞ୍ଚାଇବା ପାଇଁ ବୋରୱେଲ ଭିତରକୁ ବର୍ତ୍ତମାନ ଅକ୍ସି ଦିଆଯାଉଥିବାବେଳେ ଉଦ୍ଧାରକାରୀ ଦଳ ପକ୍ଷରୁ ଉଦ୍ଧାର କାର୍ଯ୍ୟ ପାଇଁ କ୍ୟାମେରାର ପ୍ରୟୋଗ ମଧ୍ୟ କରାଯାଉଛି ।
ପ୍ରକାଶ ଥାଉକି, ତାମିଲନାଡୁରେ ନିକଟ କିଛି ତଳେ ଠିକ ସମାନ ଘଟଣା ଘଟିଥିଲା ଯେଉଁଥିରେ ୨ ବର୍ଷ ଶିଶୁଟି ଏକ ଗଭୀର ବୋରୱେଲ ଭିତରକୁ ଗଳି ପଡିଥିବା ହେତୁ ତାହା ମୃତ୍ୟୁ ଘଟିଥିଲା ।
Comments are closed.